اش قارىنعا جەۋگە بولمايتىن تاعامدار

 استانا. قازاقپارات - تاڭەرتەڭ ۇيقىدان ويانعان كىسىنىڭ ەڭ الدىمەن ويلايتىنى -  ءدامدى تاماق ءىشۋ. الايدا تاڭعى استىڭ ءبارى ءتاتتى بولا بەرمەيدى.

كەيبىر تاعام اشوزەككە تۇسكەندە ادام اعزاسىنا كەرى اسەر ەتەدى. سوندىقتان اش قارىنعا تاماقتانۋدىڭ ءوز ەرەجەلەرى بار. ەندەشە تانىسا وتىرىڭىزدار!

يوگۋرت

ءبىر قاراعاندا جۇمساق ءارى ءدامدى اس اسقازانعا مايداي جاعاتىن سەكىلدى كورىنەدى. ءبىراق اسقازانعا بارعان سوڭ «بۇلىك» شىعارۋى مۇمكىن ەكەن. يوگۋرتتاعى ءسۇتتى- قىشقىل باكتەريالار اسقازانعا ءبىرتۇرلى اسەر ەتەدى.

المۇرت

المۇرت قۇرامىندا ءىرى تالشىقتار كوپ بولعاندىقتان، ونى قانشا شايناعانمەن اسقازانعا تۇسكەن سوڭ شىرىشتى قابىقتى زاقىمداۋى مۇمكىن. سول سەبەپتى دارىگەرلەر اش كەزدە المۇرت جەۋگە كەڭەس بەرمەيدى. ال جەپ قويعان جاعدايدا ارتىنان سۋ ءىشىپ جىبەرگەن ءجون.

قىزاناق

قىزاناق وتە پايدالى. الايدا اسقازانعا بارعان سوڭ قىشقىلدى كوبەيتەدى. ول ادام اعزاسىندا گاستريت، پانكرەاتيت نەمەسە توق ىشەك دەرتىن قوزدىرۋى مۇمكىن. وسىعان ۇقساس تاعامدار قاتارىنا قۇرما، ءتاتتى كارتوپ جاتادى.

بانان

ەگەر اشقارىنعا بانان جەيتىن بولساڭىز، قان قۇرامىنداعى ماگنيبىردەن كوبەيەدى. ول جۇرەك قاعىسىن دا جيىلەتەدى. سونىمەن قاتار اشقارىنعا بانان جەۋ كالي مەن ماگنيدىڭ تەپە-تەڭدىگىن بۇزادى. بۇل كۇنى بويى ەنجار جۇرۋىڭىزگە اسەر ەتەدى.

تسيترۋستار

اپەلسين، ماندارين، گرەيپفرۋتتار قۇرامىندا كوكونىس قىشقىلى كوپ. ەگەر وسى جەمىستەردى اش كەزدە جەسەڭىز، اسقازاننىڭ اۋىرعانىن بىردەن سەزەسىز. ول گاستريتتى دە قوزدىرادى.

كوفە

قانداي كوفە ىشسەڭىز دە ول اسقازاندا قىجىلدى كوتەرەدى. تاڭەرتەڭگىلىك كوفە ءىشۋدى ادەتكە اينالدىرۋ سەروتونين تاپشىلىعىن تۋدىرادى. ناتيجەسىندە كەشكە دەيىن ءوزىڭىزدى جايسىز سەزىنەسىز.

ىشىمدىك

اشقارىنعا ىشىمدىك ءىشۋ ادامدى ەكى ەسە تەز ماس قىلادى. اسقازانعا دا وتە جايسىز اسەر ەتەدى. ونىڭ ۋىتى باياۋ تارايتىندىقتان دەنساۋلىعىڭىزدى بۇزاسىز.

سۋىق گازدى سۋسىندار

بۇل ادەت سىزدە بار بولسا، وندا اسقازاننىڭ شىرىشتى قاباتىن بۇزىپ ءجۇرسىز. بۇل شىرىشتى قاباتقا قاننىڭ بارۋىن دا تەجەيدى. ناتيجەسىندە اس قورىتۋ ناشارلايدى.

ساعىز

ساعىزدى شايناعان كەزدە اس قورىتۋ جۇيەسى بىردەن ىسكە قوسىلادى. اسقازان ءسول بولە باستايدى. سول كەزدە ول تاماق سۇرايدى. تاماق بولماسا قىشقىل كوبەيەدى. سونىڭ سالدارىنان سىلەكەي قابىقشاسى زارداپ شەگەدى. بۇل گاستريت پەن توق ىشەك اۋرۋىنا الىپ بارۋى مۇمكىن.

Massaget.kz