تارباعاتاي مەملەكەتتىك تابيعي پاركى قۇرىلدى

استانا. قازاقپارات - ەلىمىزدىڭ ەرەكشە قورعالاتىن تابيعي اۋماعىندا تاعى دا ءبىر ۇلتتىق پارك بوي كوتەردى، دەپ حابارلايدى قازاقپارات ءتىلشىسى بۇل جايىندا ق ر ا ش م ورمان شارۋاشىلىعى جانە جانۋارلار الەمى كوميتەتىنىڭ باسپا ءسوز حاتشىسى ساكەن دىلداحمەت فەيسبۋكتەگى پاراقشاسىندا جازدى، دەپ حابارلايدى قازاقپارات.

«قازاقستان رەسپۋبليكاسى ۇكىمەتىنىڭ 2018 -جىلعى 27 -ماۋسىمداعى №382 -قاۋلىسىمەن شىعىس قازاقستان وبلىسى ءۇرجار اۋدانىنىڭ اۋماعىندا تارباعاتاي مەملەكەتتىك ۇلتتىق تابيعي پاركى قۇرىلدى. ۇلتتىق پاركتىڭ اۋدانى 143550,5 گەگتار. بۇل ەلىمىزدەگى 13- ۇلتتىق پارك»، - دەپ جازدى ول.

ساكەن دىلداحمەت ءوز جازباسىندا تارباعاتاي تاۋى جايلى ەل ىشىندەگى ءبىر اڭىزدى جازدى.

«كەزىندە تارباعاتاي تاۋىندا قازاق جەرىن جاۋلاپ العان قالماقتار مەكەن ەتىپتى. ءبىراق كۇندەلىكتى بۇل جەر دامىلداۋعا، قونىس قىلۋعا وتە جايسىز بولعان. قاپتاعان سۋىر اشى داۋىستارىمەن شاڭقىلداپ مازا بەرمەپتى. قالماقتار سۋىردى «تاربىعا»، ال تاۋدى «تاي» دەپ اتايدى ەكەن. سونان وسى بيىكتى «سۋىرلىتاۋ» ياعني «تارباعاتاي» دەپ اتاپتى»، - دەيدى ساكەن دىلداحمەت.

فوتوسۋرەتتى تۇسىرگەن الماس وردابايەۆ