13:57, 29 - ماۋسىم 2018 | GMT +5
قازاقستاندا جاۋىن-شاشىندى اۋا رايى دەمالىس كۇندەرى دە ساقتالادى
استانا. قازاقپارات - سينوپتيكتەر 30- ماۋسىمنان 2- شىلدەگە دەيىنگى اۋا رايى بولجامىن ايتتى، دەپ حابارلايدى قازاقپارات.
«قازاقستاننىڭ باتىس وبلىستارىندا ورنىققان انتيتسيكلون جانە ونىمەن قالىپتاسقان جاۋىن-شاشىنسىز ىستىق اۋا رايى ساقتالادى. مۇندا كۇندىز اۋا تەمپەراتۋراسى بۇرىنعىشا 35.. .43س اينالاسىندا بولادى. ال سولتۇستىك قازاقستان اسپانىنداعى بيىكتىك تسيكلون شىعىسقا قاراي ىعىسۋدا. سول سەبەپتى الداعى ءۇش كۇندە بۇل وڭىردە نوسەرلى جاۋىن-شاشىندار كۇتىلمەيدى. ءبىراق قىسقا مەرزىمدى جاڭبىرلار، نايزاعاي مەن ەكپىندى جەلدەر سولتۇستىك وڭىرلەردە عانا ەمەس، سونداي-اق شىعىستا، وڭتۇستىك-شىعىس پەن رەسپۋبليكانىڭ ورتالىعىندا ساقتالادى»، - دەلىنگەن قازگيدرومەتتىڭ حابارلاماسىندا.
