استانادا فرانسۋز سۋرەتشىلەرىنىڭ ەرەكشە كورمەسى اشىلدى
48 كوركەم تۋىندىلاردان جاسالعان كورمە قازاقستانىڭ مادەنيەت جانە سپورت مينيسترلىگىنىڭ قولداۋىمەن ق ر ۇلتتىق مۋزەيىندە اشىلدى. شارا 30- قىركۇيەككە دەيىن جالعاسادى.
ەكسپوزيتسيا تەك سۋرەتتەردەن ەمەس، سونىمەن قاتار، مۇسىندەر مەن ساندىك ينتەرەرلىك بۇيىمداردان تۇرادى. كەلگەن قوناقتار پول گوگەن، پول سەريۋزە، ەميل بەرنار، پەر بوننارا، موريس دەني جانە ت. ب. سۋرەتشىلەردىڭ شىعارماشىلىعىمەن تانىسا الادى.
«بۇل شارا استانانىڭ 20 جىلدىق مەرەيتويىنا ورايلاستىرىلعان. وسىلايشا، ءبىز قازاقستان منەن فرانسيا اراسىنداعى ستراتەگيالىق ىنتىماقتاستىقتىڭ 10 جىلدىعىن اتاپ وتۋدەمىز. كورمە ەكى ەل اراسىنداعى بايلانىستى ودان ءارى نىعايتاتىنىنا سەنىمدىمىن. كەزىندە ءبىزدىڭ ەلدىڭ مادەنيەت ءمينيسترى مالرو ايتىپ كەتكەندەي، ونەردىڭ ءتىلى - ادامدى ادامعا جالعايتىن ەڭ قىسقا جول»، - دەدى اشىلۋ سالتاناتىندا قازاقستانداعى فرانسيا ەلشىسى فيليپپ مارتينە.
