قازاقستاندىق جىگىت قوقىس تاستاۋ مادەنيەتىن قالىپتاستىرۋدى ۇسىندى
«3.2.1.ستارت!» جوباسىنىڭ جەڭىمپازى اتانعان «Tazalyk» ەكوبوكس جوباسىنىڭ اۆتورى ايبەك راحىم 1 500 000 تەڭگە گرانتتى جەڭىپ الدى. ول بۇل اقشانى ءوز يدەياسىن جۇزەگە اسىرۋعا جۇمساماق.
ايبەكتىڭ جوباسى ارنايى ەكوبوكستار دايىنداپ، حالىق اراسىندا قوقىس تاستاۋدىڭ جاڭا مادەنيەتىن قالىپتاستىرۋدى كوزدەيدى. بۇل جوبانى ودان ءارى جاڭعىرتۋ ءۇشىن ايبەك ءموبيلدى قوسىمشا دا ويلاپ تاپقان. «Tazalyk» موبيلدى قوسىمشاسى ارقىلى تۇرعىنداردىڭ ارەكەتىن باقىلاۋعا بولادى. اتالعان جوبا شيكىزاتتىڭ قايتا وڭدەۋ زاۋىتىنا تۇسۋىنە سەپتىگىن تيگىزبەك.
قازىلار القاسى اميرا سۇلەيمەنوۆا اتتى قاتىسۋشىنى دا ارنايى سىيلىقپەن ماراپاتتادى. اميرا مۇمكىندىگى شەكتەۋلى جاندارعا يننوۆاتسيالىق مەكتەپ اشۋ جوباسىن قورعاپ شىقتى. ول ەرەكشە جانداردىڭ عالامتور ارقىلى جاڭا ءبىلىم الىپ، قوعامعا بەيىمدەلۋىن قالايدى. ولاردى ونلاين وقىتۋ كۋرسىن اشۋ ءۇشىن اميرا كومپيۋتەرگە قول جەتكىزدى.
