ەسكەندىر سۇلەيمەنوۆكە قاتىستى جول اپاتى: تۋىستار ىسكە ارالاسقان جوق - پوليتسيا

استانا. قازاقپارات - استانا قالاسىنىڭ ىشكى ىستەر دەپارتامەنتى ولجاس سۇلەيمەنوۆتىڭ نەمەرەسى - ەسكەندىر سۇلەيمەنوۆتىڭ ولىمىنە اكەپ سوققان جول اپاتىنىڭ ءمان-جايىن انىقتاۋعا ەشبىر تۋىستاردىڭ ارالاسپاعانىن ءمالىم ەتتى، دەپ حابارلايدى قازاقپارات ءتىلشىسى.

«ونىڭ (مۇحيتوۆانىڭ - اۆت.) اكەسى، تۋىستارى نەمەسە وزگە دە ادامداردىڭ ىسكە ىقپال ەتۋ ىقتيمالدىلىعى تۋراسىندا ەشكىمنىڭ ارالاسپاعانىن - سەنىمدى تۇردە مالىمدەيمىن. تەرگەۋدىڭ تولىققاندى جۇرگىزىلۋىنە ەشقانداي كەدەرگىنى كورىپ تۇرعان جوقپىز. ق ر ق پ ك 24-بابىنا سايكەس ءبىز تەرگەۋدىڭ جان-جاقتىلىعىن، تولىققاندىلىعى مەن شىنايىلىعىن قامتاماسىز ەتەمىز»، - دەدى قالالىق ءى ءى د- دە وتكەن باسپا ءسوز ءماسليحاتىندا دەپارتامەنت باستىعىنىڭ ورىنباسارى سانجار ءادىلوۆ.

ايتا كەتسەك، سانجار ءادىلوۆ كۇدىكتى جۇرگىزۋشىگە قاتىستى كەپىل رەتىندەگى بۇلتارتپاۋ شاراسى قولدانىلعانىن حابارلاعان بولاتىن. كەپىل سوماسى - 601250 تەڭگە. سونداي-اق جول اپاتى كەزىندە ونىڭ رۋلدە ماس كۇيىندە بولماعانى اتاپ ءوتىلدى.

استاناداعى جول اپاتىندا ولجاس سۇلەيمەنوۆتىڭ 26 جاستاعى نەمەرەسى ەسكەندىر سۇلەيمەنوۆ مەرت بولعانىن بۇعان دەيىن حابارلاعان بولاتىنبىز.