بۇگىن قازاقستاندا اۋا رايى قۇبىلمالى بولادى
اتموسفەرالىق فرونتالدى بولىكتەردىڭ وتۋىنە بايلانىستى قازاقستاننىڭ باسىم بولىگىندە اۋا رايى قۇبىلمالى بولادى. كەي جەرلەردە نايزاعاي ويناپ، جاۋىن جاۋسا، ءبىرقاتار ايماقتاردا جەل كۇشەيىپ، بۇرشاق جاۋۋى ىقتيمال. تەك ەلدىڭ باتىسىندا عانا كۇن اشىق بولادى.
اقمولا، سولتۇستىك قازاقستان، پاۆلودار، قاراعاندى وبلىستارىنىڭ ءبىرقاتار ايماقتارىندا جەل تۇرىپ، جىلدامدىعى سەكۋندىنا 15-20 مەترگە دەيىن جەتەدى. كۇندىز جەل تۇرىپ، بۇرشاق جاۋۋى دى ىقتيمال، تۇندە تۇمان تۇسەدى.
الماتى، اقتوبە، كۇندىز قوستاناي، قىزىلوردا وبلىستارىندا جەلدىڭ جىلدامدىعى سەكۋندىنا 15-23 مەترگە جەتەدى. قوستاناي وبلىسىندا تۇندە تۇمان تۇسەدى.
جامبىل، شىعىس قازاقستان، قاراعاندى وبلىستارىنىڭ كەي جەرلەرىندە جەلدىڭ جىلدامدىعى سەكۋندىنا 15-20 مەترگە جەتەدى. بۇرشاق جاۋۋى دا مۇمكىن. قاراعاندى وبلىسىندا تۇندە جانە تاڭ اتا تۇمان تۇسەدى.
كۇندىز ماڭعىستاۋ، اتىراۋ، باتىس قازاقستان وبلىستارىندا اپتاپ ىستىق بولادى. ماڭعىستاۋ، اتىراۋ وبلىستارىنىڭ كەي جەرلەرىندە وتە قاتتى ىستىق بولادى.
ماڭعىستاۋ، اتىراۋ، قىزىلوردا، وبلىستارى مەن باتىس قازاقستان، اقتوبە، وڭتۇستىك قازاقستان، شىعىس قازاقستان، قاراعاندى، جامبىل وبلىستارىنىڭ ءبىرقاتار ايماقتارىندا ءورت قاۋىپى ساقتالادى.
