جۋرناليستەر اراسىنداعى «نۇر سۇڭقار» سىيلىعى كىمگە بۇيىردى

استانا. قازاقپارات - بۇگىن ەلوردادا «نۇر وتان» پارتياسىنىڭ جۋرناليستەر اراسىنداعى «نۇر سۇڭقار» ءداستۇرلى بايقاۋىنىڭ جەڭىمپازدارىن ماراپاتتاۋ ءراسىمى ءوتتى، دەپ حابارلايدى قازاقپارات ءتىلشىسى.

باسپا ءسوز كۇنى قارساڭىندا ءوتىپ جاتقان ءىس-شاراعا پارتيا ءتوراعاسىنىڭ ءبىرىنشى ورىنباسارى ماۋلەن اشىمبايەۆ قاتىسىپ، بارشا جۋرناليست قاۋىمىن كاسىبي مەرەكەلەرىمەن قۇتتىقتادى.

«ەڭ الدىمەن وسىنداعى بارلىق جۋرناليستەردى، ب ا ق وكىلدەرىن پارتيانىڭ، ءوزىمنىڭ اتىمنان كاسىبي مەرەكەلەرىمەن قۇتتىقتاۋعا رۇقسات ەتىڭىزدەر! جالپى، بۇگىندە قازاقستاندا ەلباسىمىز نۇرسۇلتان ءابىش ۇلى نازاربايەۆتىڭ باسشىلىعىمەن ءۇشىنشى جاڭعىرۋ پروتسەسى جۇزەگە اسىرىلىپ جاتىر. بارلىق سالادا، ەكونوميكادا، الەۋمەتتىك سالادا، ساياساتتا، رۋحاني ومىرىمىزدە ۇلكەن وزگەرىستەر جۇزەگە اسىرىلۋدا. ەلباسىمىز قازاقستاننىڭ الدىنا 30 مەملەكەتتىڭ قاتارىنا قوسىلۋ تۋرالى ۇلكەن ماقسات قويىپ وتىر. وسى ماقساتقا جەتۋدىڭ بىردەن ءبىر كەپىلى - بۇكىل قوعام بولىپ، ەل بولىپ، حالىق بولىپ ەلباسى ساياساتىنىڭ اياسىندا جۇمىلۋ جانە بىرگە جۇمىس ىستەۋ. وسى ماسەلەگە كەلگەن كەزدە ب ا ق- تىڭ ماڭىزى ەرەكشە. ويتكەنى، سىزدەردىڭ جۇمىستارىڭىزعا كوپ ماسەلە بايلانىستى. بۇكىل قوعامدى پرەزيدەنت ماقساتتارىنىڭ اياسىندا جۇمىلدىرۋ ءۇشىن ءبىراز جۇمىس جاساپ جاتىرسىزدار»، - دەدى ماۋلەن اشىمبايەۆ.

سونىمەن قاتار ول جۋرناليستەردىڭ كاسىبي مەرەكەسىنىڭ الدىندا «نۇر سۇڭقار» بايقاۋىن وتكىزىپ، جەڭىمپازداردى ماراپاتتاۋ جاقسى داستۇرگە اينالىپ كەلە جاتقانىن باسا ايتتى.

«جىل سايىن وسى بايقاۋدىڭ دارەجەسى، بەدەلى ءوسىپ جاتىر دەپ ايتۋعا تولىق نەگىز بار. بيىل 800 دەن استام جۇمىس كەلىپ ءتۇستى. بارلىق جۇمىس جاقسى، ساپالى جاسالعان. ەلباسىنىڭ ساياساتىن نەمەسە ماقساتتارىن ناقتى جۇزەگە اسىرۋ تەتىكتەرىن حالىققا تۇسىندىرۋگە باعىتتالعان»، - دەدى پارتيا ءتوراعاسىنىڭ ءبىرىنشى ورىنباسارى.

سونىمەن «نۇر سۇڭقار - 2018» بايقاۋىنىڭ جەڭىمپازدارى مىنالار:

تيمۋر قازاعۇلوۆ، «اكسەنت» قوستاناي وبلىسى ليساكوۆ قالالىق تەلەارناسىنىڭ باس رەداكتورى، ەڭ ۇزدىك تەلەۆيزيالىق جۋرناليست - «كوزقاراس» اتالىمى؛

ينديرا اسانوۆا، «قازاقستان» ۇلتتىق تەلەارناسىنىڭ اناليتيك- رەداكتورى، ەڭ ۇزدىك تەلەۆيزيالىق جۋرناليست - «حالىق داۋىسى» اتالىمى؛

سەيفوللا شايىنعازى، «ەگەمەن قازاقستان» گازەتى باس رەداكتورىنىڭ ورىنباسارى، ۇزدىك گازەت جۋرناليسى - «ءسوز زەرگەرى» اتالىمى؛

ايجان شاۋقۇلوۆا، «اكتيۋبينسكي ۆەستنيك» اقتوبە وبلىستىق قوعامدىق- ساياسي گازەتىنىڭ كوررەسپوندەنتى، ۇزدىك گازەت جۋرناليسى - «ءسوز شەبەرى» اتالىمى؛

نيكولاي ەنەلانە، Informburo.kz اقپاراتتىق-تالدامالىق پورتالىنىڭ ارنايى كوررەسپوندەنتى، ينتەرنەت باسىلىمنىڭ ەڭ ۇزدىك جۋرناليسى - «مەديا-پروفي» اتالىمى؛

شالقار قوجاەۆ، «حابار 24» تەلەارناسىنىڭ شەف-رەداكتورى، مەملەكەت باسشىسىنىڭ الەۋمەتتىك باستامالارىن ناسيحاتتاۋدا بەلسەندىلىك تانىتقانى ءۇشىن - «5 باستاما» اتالىمى؛

ەكاتەرينا بەسكورسايا، «كازاحستانسكايا پراۆدا» گازەتىنىڭ پاۆلودار وبلىسىنداعى مەنشىكتى ءتىلشىسى، جاڭا پارتيالىق جوبالار تۋرالى ۇزدىك ماتەريال - «پارتيالىق جاڭعىرۋ» اتالىمى؛

«استانا اقشامى» گازەتىنىڭ رەداكسياسى، ەلوردانىڭ 20 جىلدىعىنا ارنالعان ۇزدىك ماتەريال - «استاناعا 20 -جىل» اتالىمى؛