18:54, 27 - ماۋسىم 2018 | GMT +5
قالمۇحانبەت قاسىموۆ جۋرناليستەردى ماراپاتتادى
استانا. قازاقپارات - ىشكى ىستەر مينيسترلىگىندە بايلانىس جانە اقپارات قىزمەتكەرلەرى كۇنى مەن «ساقشى - نا ستراجە» گازەتىنىڭ 85 جىلدىعىنا وراي مينيستر قالمۇحانبەت قاسىموۆتىڭ قاتىسۋىمەن سالتاناتتى شارا ءوتتى، دەپ حابارلايدى قازاقپارات ءتىلشىسى.
سالتاناتتى شاراعا ورتالىق اپپاراتتىڭ جەكە قۇرامى مەن باسشىسى، ىشكى ىستەر ورگاندارىنىڭ ارداگەرلەرى مەن ب ا ق وكىلدەرى قاتىستى.
مينيستر ءوز سوزىندە جۋرناليستەر قاۋىمىن كاسىبي مەرەكەسىمەن قۇتتىقتاپ، پوليتسيانىڭ جۇمىسىنا ىلعي دا قىزىعۋشىلىق تانىتىپ، شىنايى ءارى جان-جاقتى اقپارات بەرەتىن ب ا ق وكىلدەرىنە العىسىن ءبىلدىردى.
سونداي-اق قالمۇحانبەت قاسىموۆ ىشكى ىستەر ورگانىنىڭ جۇمىسىن ب ا ق- تا بەلسەندى جاريالاپ جۇرگەن 34 جۋرناليستى ماراپاتتادى. ولاردىڭ اراسىندا «قازاقپارات» حالىقارالىق اقپارات اگەنتتىگىنىڭ قىزمەتكەرى دە بار.
كەزدەسۋ قازاق ەستراداسىنىڭ جارىق جۇلدىزدارى ءمادينا ءسادۋاقاسوۆا، بەيبىت قورعان، مارجان اراپبايەۆانىڭ قاتىسۋىمەن جانە ق ر ءى ءى م ۇلتتىق گۆاردياسىنىڭ ءانسامبلىنىڭ ۇمىتىلماس اۋەنىمەن اياقتالدى.
اۆتور: ايان بەكەن ۇلى
