قىتايدان جەتكىزىلگەن قاۋىپتى ويىنشىقتار انىقتالدى
ق ر دەنساۋلىق ساقتاۋ مينيسترلىگىنىڭ قوعامدىق دەنساۋلىقتى قورعاۋ كوميتەتى تاراتقان مالىمەتكە سايكەس، ويىنشىقتاردىڭ قۇرامىنان نورمادان ەكى ەسە كوپ اتسەتون مەن يزوبۋتيل ءسپيرتى تابىلعان.
نارىققا بالالاردىڭ دەنساۋلىعىنا قاۋىپتى ءارى ساپاسىز بالالار ويىنشىقتاردىڭ ءتۇسۋ سەبەبى جەتكىزۋشىلەردىڭ ءوز مىندەتتەمەلەرىن ورىنداماۋى بولىپ وتىر.
«قىتايدا شىعارىلعان ويىنشىقتاردا قاجەتتى سەرتيفيكات قۇجاتتار مەن رۇقساتتارى، سايكەسىنشە تاڭبالاۋى بولا بەرمەيدى. ق ر دەنساۋلىق ساقتاۋ مينيسترلىگىنىڭ قوعامدىق دەنساۋلىقتى قورعاۋ كوميتەتى اتا- انالاردان ويىنشىق ساتىپ الۋ بارىسىندا تاڭبالانۋىنا، شىعارۋشى تۋرالى اقپاراتقا، تاۋاردىڭ تۇتىنۋشىلىق سيپاتتاماسىنا، ءونىم شىعارىلعان ماتەريال قۇرامىنا جانە اتالعان ويىنشىقتىڭ قانداي جاستاعى بالالارعا ارنالعانىنا نازار اۋدارۋدى سۇرايدى» ، - دەلىنگەن كوميتەت اقپاراتىندا.
سونىمەن قاتار، ويىنشىقتاردى ساتىپ الۋ بارىسىندا، يىسىنە، وڭدەلمەگەن وتكىر قىرلارىنىڭ بولۋىنا جانە وزگە دە كەمشىلىكتەرىنە نازار اۋدارعان ءجون. ال جۇمساق ويىنشىقتاردىڭ تىگىندىلەرى مەن ۇساق- تۇيەك بەرىكتىگىن تەكسەرۋ قاجەت.
جالپى، كەز كەلگەن تۇتىنۋشى ساتۋشىدان كەز كەلگەن تاۋار ءتۇرىنىڭ قاۋىپسىزدىگىن دالەلدەيتىن سەرتيفيكاتىن سۇراۋعا قۇقىلى.
