قالتاسى قالىڭ قايىرشىلار

 استانا. قازاقپارات - كوشەدە نە بازار ماڭىندا، جولدا قايىرشىلىقپەن اينالىساتىنداردىڭ ءبارى شىنىمەن دە قايىرشى، اشقۇرساق، قالتاسى جۇقا ادامدار دەسەڭىز قاتەلەسەسىز.

 قايىرشىلىقتىڭ ارقاسىندا ايىنا 5-10 مىڭ ا ق ش دوللارىن تاباتىندار دا بار. ولار قىمبات ماشينا مەن ءزاۋلىم ۇيلەردە تۇرادى. تەك، ولار ءۇشىن قايىرشىلىق -  كاسىپ! تومەندە سونداي باي- قايىرشىلار تۋرالى ايتىپ وتەتىن بولامىز.

 1. سايمون رايت سايمون اكتەرلىك قابىلەتى بار قايىرشى- الاياق. ول لوندون كوشەلەرىندە ەسكى كيممەن قاسىنا ءيتىن ەرتىپ الىپ كۇنىنە 8 ساعات، دەمالىس كۇندەرى ودان دا كوپ ۋاقىت قايىرشىلىقپەن اينالىسادى. سايمون وسى جولمەن ايىنا 5 مىڭ ا ق ش دوللارداي تاۋىپ، لوندونداعى ەڭ جاقسى مولتەكاۋدانداردىڭ بىرىندەگى 300 مىڭ فۋنت- ستەرلينگ تۇراتىن ۇيىندە جاسايدى. سايمون ءوز «قۇرباندارىن» بانك پەن بانكومات ماڭىنان اڭديدى ەكەن. اقشا الىپ تۇرعان ادامداردان الدىمەن قايىرشى كەيپىندە اقشا سۇراپ كورەدى بەرمەسە يتىمەن بىرگە قوقان- لوققى جاساپ قورقىتىپ- ۇركىتىپ دەگەنىنە جەتىپ وتىرعان. كورشىلەرىنىڭ ايتۋىنشا ول بۋكمەكەرلىك كەڭسەلەر مەن ويىنحانالاردان شىقپايتىن ويىنقۇمار ادام. تىلەنشىلىكپەن تاپقان تيىندارىنىڭ ءبىر بولىگىن ويىنعا جۇمساسا قالعانىن بانكتەگى ەسەپشوتىنا وتكىزىپ وتىرعان. 2015 -جىلى سايموندى الاياقتىعى، كوشەدە بەي- بەرەكەتسىزدىك تۋعىزعانى ءۇشىن سوتتاپ، قايىرشىلىقپەن اينالىسۋعا قاتاڭ تيىم سالعان. ەگەر ول زاڭدى تاعى بۇزسا 5  جىلعا باس بوستاندىعىنان ايىرۋ ۇكىم ەتىلىپتى.

 2.ايشا ايشا -  100 جاسقا دەيىن دجيددا كوشەلەرىندە قايىرشىلىق قىلعان اراب ايەلى. بۇل ايەل قايتىس بولعاندا ۇيىنەن 800 مىڭ دوللار مەن 200 مىڭ دوللارلىق قىمبات اشەكەي بۇيىمدار تابىلعان ەكەن. ول بارلىق بايلىعىن ۇيسىزدەرگە مۇرا ەتىپ قالدىرعان.

 3.سامبادجي كالە جانۇياسى سامبادجي جانۇياسىمەن بىرگە بومبەي كوشەلەرىندە قايىرشىلىق قىلادى. ءبىر كۇندە وتباسىمەن بىرگە 1000 (1رۋپي -  4,96 ت گ) رۋپيدەن ارتىق تابادى ەكەن. ولاردىڭ بانكتە جەكە ەسەپ شوتتارى بار.

 4. كريشنا كۋمار گيتە كريشنا دا بومبەيلىك وتە شەبەر قايىرشى. ەسكى كيىمدە ءجۇرىپ ول كۇنىنە 1,5 مىڭ رۋپي تاۋىپ، حانسارايداي ۇيدە تۇرادى.

 5. يرۆين كوري يرۆين گولليۆۋدتىڭ اتاقتى كوميك اكتەرى. ۆۋدي اللەننىڭ دوسى. مانحەتتەندە ميلليونەرلەر تۇراتىن اۋداندا جاساعان. كۇنىنە گازەت ساتۋمەن 200-250 دوللار تاپقان. تاپقان اقشالارىن بالالار ۇيىنە جىبەرىپ وتىرعان. ءبىر بولىگىن ءوزى ساتىپ وتىرعان گازەتتەرگە قارجىلاي كومەك رەتىندە بەرەتىن بولعان. يرۆين 2014 -جىلى 103 كە قاراعان شاعىندا ومىردەن ءوتتى.

6. لاكشمي داس لاكشمي كالكۋتتانىڭ كەدەيلەر اۋدانىندا 44 جىل قايىرشىلىق قىلعان. 16 جاسىنان باستاعان كاسىبىمەن 60 جاسىندا بانككە 4 شەلەكپەن 90 كەلى تەڭگە وتكىزگەن.

 7. ۋيلل اندەرسون ۋيلل نيۋ- يورك تۇرعىنى. كەزىندە تەاتر اكتەرى بولعان. ءوزىنىڭ ءيتى ريزبەن ساعاتىنا 200 دوللار تابادى.

 8. گەري تومپسون مۇگەدەكتەر ارباسىنا تاڭىلعان گەرري ادامداردىڭ اياۋشىلىعىن تۋعىزۋ ءۇشىن ءوزىن مۇگەدەك ءھام اقىلى كەم ەتىپ كورسەتەدى. شىندىعىندا ساپ- ساۋ ادام. گەرريدىڭ ايتۋىنشا جىلىنا 100 مىڭ دوللار اقشانى وسى جولمەن تاباتىن كورىنەدى.

 9. ماسسۋ ماسسۋ ءۇندىستاندىق قايىرشى. كۇندە كەدەيلەر سياقتى كيىنىپ 8-10 ساعات قايىرشىلىقپەن 15 مىڭ رۋپي تابادى. ادامدار وسى قايىرشىعا تيىن تاستاپ جاتىپ ميلليونەرگە اقشا بەرىپ جاتقانىن بىلمەيدى. ماسسۋ شىندىعىندا ميلليونەر قايىرشى.

Massaget.kz