كيىكتەر جىلىنا مىڭداعان كيلومەتر ءجۇرىپ وتەدى

استانا. قازاقپارات - «قازاقستان عارىش ساپارى» ۇ ك» ا ق گەواقپاراتتىق دەرەكتەر مەن سەرۆيستەر ورتالىعىمەن كيىكتەردىڭ تولدەۋ جەرلەردە جانە جابايى تۇياقتى جانۋارلار تارالۋى بار جەرلەردە جايىلىم جاعدايى مەن توپىراق قاباتىنىڭ دىمقىلدىعىنا مونيتورينگ جۇرگىزىلۋدە.

ب ق ل تۋرالى ق ر قورعانىس جانە اەروعارىش ونەركاسىبى مينيسترلىگىنىڭ باسپا ءسوز قىزمەتى حابارلايدى.

جەردى قاشىقتىقتان زوندتاۋ (ج ق ز) قازاقستاندىق عارىشتىق جۇيەسىنىڭ سپۋتنيكتەرى ارقاسىندا ق ر ورمان جانە اڭ اۋلاۋ شارۋاشىلىعى كوميتەتىنىڭ تاپسىرىسى بويىنشا 2018 جىلى كيىكتەردىڭ تولدەۋ جەرلەرىندە وسىمدىك جامىلعىسىن دامىتۋ بويىنشا دەرەكتەر الىندى.

سونىمەن قاتار ق ر ءشولدى جانە جارتىلاي ءشولدى زونالارىندا جابايى تۇياقتى جانۋارلارعا پايدالانىلاتىن جايىلىمدار نەگىزىندە دالا جۇمىستارى جۇرگىزىلۋدە. بۇل مالىمەتتەر قورشاعان ورتانىڭ جاعدايىن باعالاۋ تولىققاندى ءادىسىن دامىتۋ ءۇشىن نەگىز بولادى.

سپۋتنيكتىك اقپارات كومەگىمەن قورشاعان ورتانىڭ جاعدايىن باقىلاۋ جەرۇستى زەرتتەۋ بارىسىندا الىناتىن جەتكىلىكسىز مالىمەتتەردى تولتىرۋعا قابىلەتتى ەكەنىن اتاپ كەتۋ ءجون.

سپۋتنيكتىك اقپارات جەرۇستى مونيتورينگپەن سالىستىرعاندا شىعىندى از كەتىرەدى، سونداي-اق بارلىق كوشىپ- قونۋ مارشرۋتىندا جوعارى دالدىلىك پەن وبەكتيۆتىلىكپەن قورشاعان ورتانىڭ جاعدايىن باعالاۋعا مۇمكىندىك بەرەدى.

ماسەلەن كيىكتەردىڭ (Saiga tatarica) قازاقستان اۋماعىندا ەكى ءىرى تارالۋى بار: ءۇستىرت جانە بەتپاقدالا. جانۋارلار جىل سايىنعى كوشى-قون بارىسىندا جۇزدەگەن جانە مىڭداعان كيلومەتر ءجۇرىپ وتەدى.