زاعيپا باليەۆا الەۋمەتتىك جەلىلەردە سۋيتسيدكە شاقىراتىن جاڭا توپتاردىڭ پايدا بولعانىن ەسكەرتتى

بۇل تۋرالى بالا قۇقىقتارى جونىندەگى ۋاكىل زاعيپا باليەۆا ەسكەرتتى.

ايتۋىنشا، قۇقىق قورعاۋ ورگاندارىنىڭ وكىلدەرى قاۋىپتى پابليكتەرمەن اينالىسىپ جاتىر. سول سەبەپتى باليەۆا اتا-انالارعا مۇقيات بولىپ، كۇماندى توپتار جايلى قۇقىق قورعاۋ ورگاندارىنا حابارلاۋىن ايتتى. «ينتەرنەتكە ەرەكشە نازار اۋدارۋلارىڭىزدى سۇرايمىن. ماعان «ۆكونتاكتە» جەلىسىندە بالالاردى ءوز-وزىنە قول جۇمساۋعا شاقىراتىن توپتاردىڭ پايدا بولىپ جاتقانى جايلى حابارلامالار كەلىپ جاتىر. قۇقىق قورعاۋ ورگاندارى بۇل ماسەلەمەن اينالىسىپ جاتىر. مەن دە بارلىعىن باقىلاپ وتىرمىن. الايدا مۇنداي توپتاردى بۇعاتتاۋعا ءبىراز ۋاقىت كەرەك. وسىعان بايلانىستى مەن سىزدەردەن كومەك سۇرايمىن. وسىنداي توپتار جايلى ءبىلىپ جاتساڭىزدار، ورگاندارعا حابارلاڭىز»، - دەپ جازدى باليەۆا Facebook جەلىسىندەگى پاراقشاسىندا. «ۆكونتاكتە» جەلىسىندە «سيني كيت» جانە «تيحي دوم» توپتارىندا بالالار مەن جاسوسپىرىمدەردى وسىلاي اتالاتىن ويىنعا شاقىرادى. قولدانۋشىلاردىڭ ايتۋىنشا، ويىنعا كىرگەن بالالار 50 تاپسىرما ورىنداۋى قاجەت، ونىڭ ىشىندە تامىرىڭدى كەسۋ كەرەك جانە قولىڭا كيتتىڭ سۋرەتىن سالۋ كەرەك دەگەن سياقتى تاپسىرمالاردى ورىنداۋ قاجەت، سوڭىندا ولار وزدەرىنە قول جۇمساۋى ءتيىس. فينالدىق تاپسىرما مىندەتتى تۇردە ورىندالۋى كەرەك، ايتپەسە ۇيىمداستىرۋشىلار بالانىڭ تۋىستارىن ولتىرەمىز دەپ قورقىتادى ەكەن.