مەنينگيتتىڭ العاشقى بەلگىلەرى قانداي؟

 - جىل باسىنان بەرى ەلىمىزدە مەنينگيكوكك ينفەكتسياسىن جۇقتىرعان 58 ناۋقاس تىركەلگەن. ولاردىڭ 18-  14 جاسقا دەيىنگى بالالار. 12 ادام كوز جۇمعان. سونىڭ ىشىندە بەسەۋى 14 جاسقا دەيىنگى جەتكىنشەكتەر، - دەدى مينيستر. قازاقستاندا مەنينگيتكە شالدىعۋدىڭ ەڭ جوعارى كورسەتىشى 2015 -جىلى تىركەلگەن. 424 ناۋقاستان بۇل دەرتتىڭ بەلگىلەرى انىقتالعان.

 - جىل سايىن اۋرۋعا شالدىققانداردىڭ سانى وزگەرىپ تۇرادى. 2013 -جىلى 18 ناۋقاس كوز جۇمدى، 2014 -جىلى - 15, 2015 -جىلى - 21, 2016 -جىلى - 7, 2017 -جىلى - 11, سونداي- اق بيىل مينينگيتتەن 12 ادامنىڭ ءومىرى قيىلدى. جالپى، وسى جاعداي باستالعاندا، ەڭ ءبىرىنشى ناۋقاس 30 - ساۋىردە تىركەلدى. ءبىز قاجەتتى ەپيدەميولوگيالىق جانە مەديتسينالىق كومەكتى ۇيىمداستىرۋ جۇمىستارىن بارشا وڭىرلەر بويىنشا قامتىدىق، - دەدى ەلجان ءبىرتانوۆ. كارانتين جاريالانبايدى

 - ءبىز مەنينگوكوكك ينفەكتسياسىن جۇقتىرعاندار مەن قايتىس بولعانداردىڭ سانىن جاسىرمايمىز. قازىر كارانتين جاريالاۋدىڭ قاجەتى جوق. قازاقستاندىقتاردان دارىگەرلەر ايتقان كەڭەستەردى تىڭداۋلارىن سۇرايمىز، - دەدى ءبىرتانوۆ. سونداي- اق مەنينگيتكە قارسى ۆاكتسينالاۋ جۇمىستارىنىڭ نەگە جۇرگىزىلمەيتىنىن ءتۇسىندىردى. ءمينيستردىڭ ايتۋىنشا، ۆاكتسينالاۋ ماسەلەسى 100 مىڭ ادامعا شاققاندا اۋرۋدىڭ 10 وقيعاسى تىركەلگەن كەزدە كوتەرىلەدى ەكەن.

مەنينگيت قانداي دەرت؟

 وسى ورايدا حالىقتى قۇلاقتاندىرۋ ماقساتىندا مەنينگوكوكك ينفەكتسياسى جايلى از- كەم اقپارات بەرە كەتكەندى ءجون ساناپ وتىرمىز. بۇل دەرت تۋرالى وسىعان دەيىن دە جازعانبىز. مەنينگوكوكك ينفەكتسياسى - اۋرۋدى بەلگىسىز تاسىمالداۋشى، نازوفارينگيت (مۇرىن مەن جۇتقىنشاقتىڭ قابىنۋى) ، مەنينگيت (مي قابىقتارىنىڭ قابىنۋى) جانە مەنينگوكوكك سەپسيسى سەكىلدى ءتۇرلى كلينيكالىق بەلگىلەرى بار باكتەريالار قوزدىراتىن ءجىتى جۇقپالى اۋرۋ. ينفەكتسيا جوتەلگەندە، تۇشكىرگەندە جانە سويلەگەندە جۇعادى. العاشقى بەلگىلەرى:

 - باستىڭ قاتتى اۋرۋى؛ - شولدەۋ، قۇسۋ؛

- تەمپەراتۋرانىڭ كوتەرىلۋى، قالتىراۋ؛

- بوزارۋ؛

- تابەتتىڭ تومەندەۋى؛

 - بورتپە؛

 - السىزدىك؛

- ارقا جانە اياق قولدىڭ اۋىرۋى؛

اۋرۋدىڭ الدىن الۋ - اۋرۋدىڭ العاشقى بەلگىلەرى (تاماقتىڭ قىزارۋى، السىزدىك، تەمپەراتۋرانىڭ كوتەرىلۋى، باس اۋرۋى) پايدا بولعان كەزدە دارىگەرگە كورىنۋ كەرەك، ونىڭ ايتقان نۇسقاۋلىعىن ورىنداۋ قاجەت؛

 - ءتۇرلى مادەني بۇقارالىق ءىس- شارالارعا قاتىسۋدى، ءجۇزۋ باسسەيندەرىنە بارۋدى، ويىن الاڭدارىندا ويناۋدى شەكتەۋ جانە جەكە تازالىقتى ساقتاۋ؛

 - عيماراتتاردى ءجيى جەلدەتىپ، كۇن سايىن ىلعالدى تازالاۋ؛

 - سوزىلمالى ينفەكتسيا وشاقتارى لور اعزالارىن تازالاۋ؛

- تەك قايناعان نەمەسە بوتەلكەدەگى سۋدى ءىشۋ؛

 - مۇزداۋ، اشىعۋ، ۇيقى قانباۋ، كۇيزەلۋ جانە ت. ب. اۋلاق بولۋ؛ اۋرۋدى ەمدەگەننەن الدىن العان جەڭىل ەكەندىگىن ءارقاشان ەستە ۇستاعان ابزال!

Massaget.kz