شەت ءتىلدى بىلگەن قازاق جاستارى ۇتادى

 جەتكەرگەن ستۋدەنت شاعىنان ونەر- ءبىلىم دودالارىنا قاتىسىپ، جۇلدەگەر اتانىپ ءجۇر. 2013 -جىلى  قىزىلوردا وبلىستىق «ءتىل دارىن» وليپياداسىندا ەكىنشى ورىن السا، اقتوبە قالاسىندا وتكىزىلگەن «ءتىل شەبەرى-2014» اتتى ءۇش ءتىلدى مەڭگەرگەن جاستار اراسىنداعى رەسپۋبليكالىق بايقاۋدىڭ باس جۇلدەسىنە قول جەتكىزگەن.

قازالىداعى №249 مەكتەپ- ليتسەيدە جۇمىس ىستەگەن جاس جىگىت قازىرگى تاڭدا قىزىلوردا قالاسىنداعى نازاربايەۆ زياتكەرلىك مەكتەبىندە قىزمەت اتقارادى.

«انا تىلىمنەن بولەك اعىلشىن، ورىس، تۇرىك، نەمىس تىلدەرىن جەتىك بىلەمىن. قازىر يسپان جانە يتاليا تىلدەرىن ۇيرەنىپ قالدىم. تىلدەردى مەڭگەرگەنىمنىڭ ارقاسىندا جەتىستىكتەرگە جەتىپ كەلەمىن. ءتىل بىلگەننەن قازاق جاستارى ۇتىلمايدى. ەلدىڭ دە، ءوزىنىڭ دە پايداسىنا جارايدى. ماسەلەن، اعىلشىن ءتىلى - عىلىم مەن تەحنيكانىڭ، كومپيۋتەردىڭ نەگىزگى ءتىلى. ونى ۇيرەنبەي زاماناۋي وزىق ءبىلىمدى الا المايسىز. تەك جالقاۋلانباي ءتىل ۇيرەنە بەرۋ كەرەك. بوس ۋاقىت كوپ. سونى ءتيىمدى پايدالانىپ، سوزدىك جاتتاپ، ەرەجەلەرىنە زەر سالىپ وتىرسا، كۇن سايىن ءبىر بەلەستى باعىندىرىپ وتىرۋعا بولادى» ، - دەيدى جەتكەرگەن ماحمۋد ۇلى.

پوليگلوت جىگىتتىڭ جوسپارى كوپ. شەتەل ارالاپ، ءبىلىمى مەن تاجىريبەسىن مولايتۋ ويىندا بار. بىلگەنىن ىقىلاستى جاندارعا ۇيرەتكىسى دە كەلەدى.