20:56, 31 - مامىر 2018 | GMT +5
ادەمى قىزعا تەلەفونىن سەنىپ بەرگەن تالدىقورعاندىقتار سان سوعىپ قالدى
تالدىقورعان. قازاقپارات - تالدىقورعاندا الاياقتىق جاسادى دەگەن كۇدىكپەن 21 جاستاعى بويجەتكەن ۇستالدى. ول ءوزىنىڭ كورىكتى كەلبەتىن پايدالانۋ ارقىلى ەر ازاماتتاردىڭ قىمبات ۇيالى تەلەفوندارىن قولدى ەتىپ وتىرعان، دەپ حابارلايدى قازاقپارات ءتىلشىسى.
وبلىستىق ءى ءى د باسپا ءسوز قىزمەتىنىڭ مالىمەتىنشە، الاياق قىزدان ءجابىر كوردىك دەگەندەردىڭ بارلىعى ەر ادامدار. قازىر قاماۋدا وتىرعان 21 جاستاعى تۇرعىننىڭ 4 الاياقتىق قىلمىسقا قاتىسى بار ەكەنى دالەلدەنگەن.
«كۇدىكتى ءوزىنىڭ ارەكەتىن ادامدار كوپ شوعىرلانعان جەرلەردە ىسكە اسىرعان. ول ەر ازاماتتاردىڭ جانىنا كەلىپ، ۇيالى تەلەفونىمەن قوڭىراۋ شالۋعا رۇقسات سۇراپ، ارتىنشا كوپشىلىكتىڭ اراسىنا جاسىرىنىپ قالعان. ال ونىڭ كورىكتى كەلبەتى قانداي دا ءبىر كۇدىك تۋدىرماعان» ، - دەپ ءمالىم ەتتى ۆەدومستۆا وكىلدەرى.
قازىر كۇدىكتىنىڭ ۇستىنەن ق ر ق ك- ءنىڭ 190-بابى بويىنشا ءىس قوزعالىپ، سوتقا دەيىن تەرگەۋ ءجۇرىپ جاتىر. قىلمىستىق ءىس تالدىقورعان قالاسىنىڭ ءى ءى ب- قىزمەتكەرلەرىنىڭ وندىرىسىندە.
