ميلليونداعان ادامدى قۇتقارعان «التىن قاندى» ادام

 64 -جىل بۇرىن حارريسون ءوزىنىڭ ىمىراسىز شەشىمىنىڭ ارقاسىندا ميلليونداعان ادام ءومىرىن قۇتقاراتىنىن ەش ويلاماعان ەدى. دجەيمس حارريسون 1936 -جىلى 27 - جەلتوقساندا دۇنيەگە كەلگەن. 14 جاسىندا ونىڭ كوكىرەك قۋىسىنا كۇردەلى وتا جاسالاتىن بولىپ، 13 ليتر دونورلىق قان كەرەك بولادى. كەرەكتى دونور تابىلىپ، وتا ءساتتى اياقتالادى. حارريسون 3 اي بويى ەم قابىلداپ، ءوزىن دونورلىق قان قۇتقارىپ قالعانىن تۇسىنەدى. سودان القىنىپ تۇرعان بوزبالا 18 جاسقا تولعان كەزىندە دونورلىق قان وتكىزۋگە ءوز- وزىنە ۋادە بەرەدى.

 ول 1954 -جىلدان باستاپ قان وتكىزە باستايدى. سويتسە 18 جاسار جىگىتتىڭ قانىندا D رەزۋس- فاكتورىنىڭ انتيگەنىنە قارسى انتيدەنەلەر بار ەكەن. بۇل تابيعي فازادا وتە سيرەك كەزدەسەتىن ورگانيكالىق زاتتار بولىپ شىقتى. كەيىن ونىڭ قان پلازماسىنىڭ نەگىزىندە قان سارىسۋى جاسالىپ، وزگە ەمدەلۋشىلەرگە قولدانىلا باستادى. مىسالى، اناداعى رەزۋس- تەرىس قاننىڭ انتيدەنەلەرى بالاداعى رەزۋس- وڭ قانعا ءوتىپ كەتپەس ءۇشىن، سارىسۋ پلازماسىن ەنگىزەدى. ناتيجەسىندە بولاشاق نارەستە ومىرىنە ەش قاۋىپ تونبەيدى. دجەيمستىڭ قان پلازماسى كوبىنە انەميا اۋرۋىنا شالدىققاندارعا قولدانىلادى.

 حارريسون 57 جىل بويى 3 اپتادا ءبىر رەت قان تاپسىرىپ تۇرادى. 2011 -جىلى ول 1000 رەت قان تاپسىرىپ، گيننەستىڭ رەكورتار كىتابىنا ەنەدى. 2015 -جىلعا دەيىن اۋستراليانىڭ بۇكىل انتيرەزۋستىك ءدارى- دارمەكتەرى دجەيمستىڭ قان پلازماسىمەن جاسالىپ كەلدى. ول ەڭ سوڭعى رەت 2018 -جىلدىڭ مامىرىندا قان تاپسىرعان ەدى. وسى كۇنگە دەيىن دجەيس حارريسون ارقاسىندا 2,4 ميلليوننان استام نارەستە امان قالدى، ولاردىڭ ىشىندە دجەيمستىڭ ءوز قىزى دا بار.

Massaget.kz