ەلىمىزدە تاعى ءۇش وبلىستا ەسكەرتۋ جاريالاندى

استانا. قازاقپارات - قىزىلوردا، قوستاناي جانە شىعىس قازاقستان وبلىستارىندا اۋا رايىنا قاتىستى ەسكەرتۋ جاريالاندى، دەپ حابارلايدى قازگيدرومەت.

31 -  مامىردا قىزىلوردا وبلىسىنىڭ كەي جەرلەرىندە شاڭدى داۋىل بولادى، سولتۇستىكتەن سوققان جەلدىڭ باعىتى وڭتۇستىككە اۋىسىپ، جىلدامدىعى 15-20، كۇندىز ونىڭ ەكپىنى 23 م/س- كە جەتۋى مۇمكىن.

شىعىس قازاقستان وبلىسىندا 31 - مامىردا تۇندە 2 گرادۋس قاتقاق بولۋى ىقتيمال. كەي جەرلەردە جاڭبىر جاۋىپ، تاۋلى جەرلەردە جاۋىن- شاشىن (جاڭبىر، قار ارالاس جاڭبىر) جاۋادى، نايزاعاي ويناپ، كۇندىز بۇرشاق تۇسەدى دەپ بولجانۋدا. جەلدىڭ ۇيىتقۋى 15-20 م/س، كەي جەرلەردە 23-28 م/س.

 31 - مامىردا قوستاناي وبلىسىندا نايزاعاي ويناپ، داۋىل بولادى. سونداي- اق، بۇرشاق جاۋىپ، وڭتۇستىك- باتىستان جەل تۇرادى. ونىڭ جىلدامدىعى 15-20 م/س، كۇندىز كەي جەرلەردە 23-28 م/س بولادى.