ءۇندىستاندا ىزالانعان ءپىل قوجايىنىن تاپتاپ ءولتىردى

 استانا. قازاقپارات - ءۇندىستانداعى عيباداتحانالارىنىڭ بىرىندە ىزالانعان ءپىل ءوز قوجايىنىن تاپتاپ ءولتىردى.

بۇل تۋرالى The Daily Mail حابارلادى، دەپ جازادى Stan.kz اقپاراتتىق اگەنتتىگى.

وقيعا تاميلناد شتاتىنداعى ءۇندى عيباداتحانالارىنىڭ بىرىندە ورىن العان. 48 جاستاعى گايەندران ەسىمدى ەر ادام ءپىلدىڭ ۇستىندە كەلە جاتقان. نە بولعانى بەلگىسىز، ءبىراق، ءپىل اياق استى ۇستىندە وتىرعان قوجايىنىن جۇلىپ الىپ، جەرگە لاقتىرعان. ىزالاناعان جانۋار بۇنىمەن قويماي، يەسىن تاپتاپ ولتىرگەن. باسىلىمنىڭ مالىمەتى بويىنشا، مارقۇمنىڭ قانىنان عيباداتحانادا اياق الىپ جۇرەتىن جەر قالماعان.

قوجايىنىن تاپتاپ ولتىرگەن ءپىلدى عيباداتحانانىڭ اۋماعىنان تەك 40 مينۋتتان كەيىن عانا ارەڭ تىنىشتاندىرىپ شىعارعان. بۇل جانتۇرشىگەرلىك ءولىمدى 300 گە جۋىق ادام ءوز كوزىمەن كورگەن. ابىروي بولعاندا، ولاردىڭ ەشقايسىسى زارداپ شەكپەگەن.

پوليتسيا بولىمشەسىندەگىلەر ءپىلدىڭ نە سەبەپتەن ىزالانعانىن ازىرشە تۇسىندىرە الماي وتىر. وسى وقيعادان كەيىن عيباداتحانا ۋاقىتشا جابىلىپ، ءپىل تاپتاپ ولتىرگەن مارقۇمنىڭ دەنەسى ساراپتاماعا جىبەرىلدى.