11:51, 31 - مامىر 2018 | GMT +5
بولگارياداعى ارۋلار بايقاۋىنا قازاقستان اتىنان ءۇش جاسار ايارۋ قاتىسادى
قاراعاندى. قازاقپارات - ءۇش جاسار ايارۋ امانگەلدى ەلىمىز بويىنشا بارلىق سۇلۋلاردى ارتقا تاستاپ، بولگاريادا وتەتىن حالىقارالىق بايقاۋعا جولداما الدى، دەپ حابارلايدى v.ekaraganda.kz.
«كىشكەنتاي ميسس قازاقستان» بايقاۋىنىڭ جەڭىمپازى ايارۋ امانگەلدى نەبارى 3 جاستا، سوعان قاراماستان ساحنادان قورىقپايدى. ءبىر جىلدان بەرى مودەلدەر مەكتەبىنە بارادى. بايقاۋ كەزىندە ءوزىنىڭ جارقىن بەينەسىمەن جۇرتتى تاڭعالدىردى.
الماتىدا وتكەن بايقاۋعا 3 پەن 17 جاس ارالىعىنداعى كىشكەنتاي سۇلۋلار قاتىستى. سايىس ءۇش كەزەڭدە ءوتتى. اتاپ ايتقاندا، ۇلتتىق كيىم، ءسان قويىلىمى، كەشكى كويلەك دەفيلەسى جانە ونەر كورسەتۋ.
«كىشكەنتاي ميسس قازاقستان 2018» بايقاۋىنىڭ جەڭىمپازى ايارۋ ەندى تەك تەمىرتاۋدى عانا ەمەس، كۇللى قازاقستاندى بولگاريادا وتەتىن حالىقارالىق بايقاۋدا تانىتپاق.
