ۇزاق ءومىر ءسۇرۋدىڭ تاعى ءبىر جولى تابىلدى

 استانا. قازاقپارات - نيدەرلاندىدا گرونينگەن ۋنيۆەرسيتەتىنىڭ عالىمدارى اقۋىزدى كوپ پايدالانۋ ارقىلى جۇرەك جەتكىلىكسىزدىگى مەن ەرتە ءولىم قاۋپىن تومەندەتۋگە بولاتىنىن انىقتادى.

 بۇل تۋرالى The Times سايتى جازادى.

زەرتتەۋگە ەۋروپا ەلدەرىنەن ورتاشا جاسى 68 بولاتىن  2281 ادام قاتىستى. ولاردىڭ جەگەن اقۋىز مولشەرى دارەتىنە تالداۋ جاساۋ ارقىلى انىقتالدى. ماماندار پاتسيەنتتەردىڭ دەنساۋلىعىن ەكى جىل بويى باقىلادى.

21 اي وتكەننەن كەيىن اقۋىزدى از مولشەردە - كۇنىنە 40 گرامنان از جەگەندەردىڭ ۇشتەن ءبىر بولىگى (31 پروتسەنتى) قايتىس بولدى. ال كۇن سايىن 70 گرامنان كوپ اقۋىز پايدالانعان ادامداردىڭ ءولىم قاۋپى 18 پروتسەنت تومەندەگەن. عالىمدار بۇيرەك قىزمەتى مەن جاس مولشەرىن ەسكەرە وتىرىپ، اقۋىزدى از تۇتىنعان كەزدە ءولىم قاۋپى 46 پروتسەنتكە جوعارىلاعانىن دالەلدەدى.

70 جاستاعى ادامداردىڭ ون پروتسەنتىنە جۋىعىنىڭ قان اينالىمى بۇزىلعان. سەبەبى قارتايعاندا ورگانيزم اقۋىزدى وتە ءتيىمدى پايدالانا المايدى.

مۇنىمەن قوسا، اقۋىزى كوپ تاعامدار بۇلشىقەتتى نىعايتىپ، ادام دەنساۋلىعىن جاقسارتاتىنى بۇرىننان بەلگىلى.

Baq.kz