رەسەي مەن ساۋد ارابياسى مۇناي ءوندىرۋدى ارتتىرۋعا ءازىر ەكەنىن ايتتى

بۇل تۋرالى ەكى ەلدىڭ ەنەرگەتيكا مينيسترلەرى ايتقان.
ساۋد ارابياسىنىڭ ەنەرگەتيكا ءمينيسترى حاليد ءال- فالەح پەن ونىڭ رەسەيلىك ارىپتەسى الەكساندر نوۆاك مامىردىڭ 25- كۇنى سانكت- پەتەربۋرگ قالاسىنداعى ەكونوميكالىق فورۋمدا ەر- رياد پەن ماسكەۋدىڭ مۇناي وندىرۋگە قاتىستى كۆوتانى بيىلعى جىلدىڭ ەكىنشى جارتىسىنان باستاپ بىرتىندەپ بوساڭسىتۋعا ءازىر. وندىرىلەتىن مۇناي كولەمىن شەكتى مولشەردەن اسىرماۋ تۋرالى بىرلەسكەن كەلىسىم 2016 -جىلى شيكى مۇناي باعاسىنىڭ قۇلدىراۋىن توقتاتۋ ماقساتىمەن جاسالعان بولاتىن. ونداعان جىلداردىڭ ىشىندە العاش رەت وپەك (مۇناي ءوندىرۋشى ەلدەر ۇيىمى) كارتەلىمەن مۇناي ءوندىرۋدى شەكتەۋ تۋرالى كەلىسىمگە رەسەي دە قاتىسقان.
تالداۋشىلار كۆوتانى ەنگىزۋ 2016 -جىلدىڭ باسىندا 30 دوللاردان تومەن ءتۇسىپ كەتكەن مۇناي باررەلىنىڭ باعاسىن 40 دوللاردان 50 دوللارعا دەيىنگى دەڭگەيدە تۇراقتاندىرىپ ۇستاۋعا سەپتەستى دەپ سانايدى. ءبىراق سوڭعى كەزدەرى، نەگىزىنەن ا ق ش- تىڭ الەمدەگى ءىرى مۇناي ءوندىرۋشى ەلدەر - ۆەنەسۋەلا مەن يرانعا قارسى سانكسيالار ەنگىزۋىنە بايلانىستى، وسى ايدىڭ باسىندا لوندون بيرجاسىندا ءبىر باررەل مۇنايدىڭ باعاسى 2014 -جىلدان بەرگى كەزەڭدە جوعارى دەڭگەيگە - 80,5 دوللارعا دەيىن جەتكەن. ال جۇما كۇنى ساۋد ارابياسى مەن رەسەي باعانى ءتۇسىرۋ ءۇشىن وندىرىلەتىن مۇناي كولەمىن ارتتىرۋعا ءازىر ەكەنى تۋرالى مالىمدەگەننەن كەيىن لوندون بيرجاسىنداعى ساۋدا بارىسىندا ءبىر باررەل مۇنايدىڭ باعاسى 3 پايىزدان ارتىق شاماعا - 76,44 دوللارعا دەيىن تومەندەگەن. مۇناي باعاسىنىڭ كۇرت ءوسۋى جانارماي باعاسىن قىمباتتاتىپ جىبەرگەن.
www.azattyq.org