ۇلى بريتانيادا جولاۋشىلارى بار پويىز جوعالىپ كەتتى

لوندوننان 446 شاقىرىم قاشىقتىقتاعى نيۋكاسل- اپون- تاين قالاسىنان شىققان پويىز انگليانىڭ سولتۇستىگىندە ورنالاسقان. نەگىزىندە ول سولتۇستىكتەن وڭتۇستىككە قاراي ءجۇرۋى كەرەك بولعان، ياعني سوڭىندا لوندوننان 60 شاقىرىم جەردەگى رەدينگ قالاسىنا بارۋى ءتيىس ەدى. الايدا دونكاستەردەگى وقيعاعا بايلانىستى ول اينالما جولعا تۇسكەن.
بەلگىسىز سەبەپپەن ول دۇرىس بۇرىلماي، وڭتۇسىككە ەمەس، باتىسقا كەتكەن. ماشينيست قاتەلەسكەنىن تەك ۋەست- يوركشير گرافتىعىنداعى پونتەفراكت قالاشىعىنا كەلگەندە بايقاعان. «مەن قازىر جوعالىپ كەتكەن پويىزدىڭ ىشىندەمىن، شامامەن پونتەفراكتتامىز، - دەپ جازدى جولاۋشىلاردىڭ ءبىرى Twitter جەلىسىندە. - ماشينيست دۇرىس جولدى تاڭداماعانى ءۇشىن ءبىز وسىندا تۇرىپ قالدىق. مۇنداي بولادى دەپ كىم ويلاعان؟».جولاۋشى قىزدىڭ ايتۋىنشا، وسى ماسەلەنىڭ شەشىلگەنىن جۇزدەن اسا جولاۋشى كۇتىپ وتىر ەكەن.
پونتەفراكت قالاشىعىندا پويىز كەرى اينالىپ، جولايرىققا قايتىپ كەلىپ، تاعى شاتاسقان. شامامەن وسىعان ءبىر ساعات كەتكەن. ساۋت-يوركشير گرافتىعىنداعى شەففيلد قالاسىندا جولاۋشىلاردى ءتۇسىرىپ كەتكەن. ولار بيرمينگەمگە دەيىن جەتىپ الۋعا مۇمكىندىك الدى. بيرمينگەمنەن رەدينگكە باسقا پويىزبەن 1 ساعات 40 مينۋتتا جەتىپ الۋعا بولادى.
ساۋىردە ۇلى بريتانيا تۇرعىنى تەمىر جول بيلەتىنىڭ تىم قىمبات بولۋىنا بايلانىستى ءبىر باعىتتا بيلەت قۇنىنا كولىك ساتىپ العانى حابارلاندى. ول بريستول قالاسىنان لوندونعا دەيىن جول اقىسى 218 فۋنت تۇراتىنىن، ال بۇرىندارى جۇرگىزىلگەن Honda Civic كولىگى ساقتاندىرۋمەن بىرگە نەبارى 206 فۋنت تۇراتىنىن انىقتاعان.
Kaz.tengrinews.kz