قىز كەزىندە ءبارى جاقسى. جامان ايەلدىڭ شىعۋىنا نە تۇرتكى سوندا؟

 استانا. قازاقپارات - «قىز كەزىندە ءبارى جاقسى»...  مىنا ماقالدىڭ جالعاسىن ءبارىڭىز ءبىلىپ وتىرسىزدار، ءيا؟

ال سىزدەر نازىك جاندىلاردىڭ قىز كۇنىندەگى كەيپى مەن مىنەزىنەن ايەل بولعاندا ايىرىلىپ، وزگەرۋىنە قانداي جاعدايلار اسەر ەتەتىنىن بىلەسىزدەر بە؟ بىلمەسەڭىزدەر، بىرگە ويلانايىق! سونىمەن، جامان ايەل قايدان شىعادى؟

جولداسىنىڭ اسەرى - %25

ارينە، ەر ادامدى ەز ەتەتىن دە، ەر ەتەتىن دە - ايەل. سول سەكىلدى قىلىقتى قىزدان قىڭىر مىنەزدى دولى ايەلدى جاساپ شىعارۋدا ەر ادامنىڭ دا ماڭىزى ك 257؛ پ. وتباسى بولعان سوڭ ايەل ادامنىڭ مىنەزى مەن كەيپىنىڭ 257؛ زگەرۋىنە بىردەن- ءبىر سەبەپشى جان - ونىڭ كۇنى بويى قاسىنان تابىلاتىن جارى.

ايەل ادامنىڭ قىز كەزىندەگى بولمىسىنان تۇرمىس قۇرعاننان سوڭ اۋىتقۋىنا جۇيكەسىنىڭ جۇقارۋى اسەر ەتەدى. ال جۇيكەنىڭ جۇقارۋىنا، ارينە، مازاسىز كۇيەۋ اسەر ەتەدى. كەيبىر ەر ادامدار ۇندەمەيتىن ايەلدەن ۇرىسقاق، اشۋشاڭ ايەلدى وڭاي جاساپ الا الادى. ولار ايەلدىڭ ءتىلىن 257؛ زدەرى شىعارىپ الادى دا، ەكەۋى ايتىسىپ وتىرادى. ارينە، مۇندايدا ايەلگە ك 257؛ ركەم مىنەز، ەرگە سابىرلىلىق كەرەك-اق. ءبىراق كەي تۇستاردا اشۋعا سابىر قورعان بولا الماي، ناتيجەسىندە ەكى جاس اجىراسىپ تىنادى. اسەرى اتا-انا مەن جاس بالاعا تيەدى. شامامەن العاندا، ءجۇز پايىز «جامان ايەلدىڭ» «جامان» اتانۋىنا جولداسىنىڭ اسەرى - 25 پايىز.

تۇرمىس اسەرى - %25

ادامدى تۇرمىس وزگەرتەتىنىنە بۇرىن-سوڭدى تاڭ قالعان ەمەسپىز. ايەل ادامنىڭ دا بولمىسىنا تۇرمىس اۋىز تولتىرىپ ايتارلىقتاي اسەرىن تيگىزەدى. وتباسىنىڭ قامى، بالا-شاعانىڭ نانى، ءۇي- جاي بولۋدىڭ ۋايىمى كەز كەلگەن ايەلدى وزگەرتىپ جىبەرە الادى. جاتىپىشەر جولداسى مەن توپىرلاعان بالا-شاعانىڭ كيىمىن بۇتىندەپ، قارنىن تويعىزامىن دەپ ءجۇرىپ قارا جۇمىس جاسايتىن نازىك جاندىلاردىڭ بولمىسىن تۇرمىس قالاي وزگەرتپەسىن؟ تاپقانىنىڭ ءبارىن قۇر شاشىپ، سايرانداۋدان وزگەنى بىلمەيتىن اكەنىڭ بالا- شاعاسىنا دەگەن مەيىرىم جوق بولسا، انا قالاي كۇيىنبەيدى؟ ءبىز ايتاتىن «جامان ايەل» وسىنداي انالاردىڭ ىشىنەن شىعادى ەمەس پە؟

تۋعان- تۋىستاردىڭ اسەرى - %20

ءاپ- ادەمى كەلىننەن «جامان ايەل»، «كەسىر كەلىن» جاساپ شىعارۋدا تۋعان- تۋىستاردىڭ ماڭىزى زور. ەشكىم جامان بولعىسى كەلمەيدى، ءبىراق تۋىستاردىڭ كوڭىل تولماۋشىلىعى مەن كورەالماۋشىلىعى، قىزعانىشى مەن قىزبالىلىعى، وزىمشىلدىگى مەن ءجونسىز وكپە- رەنىشى ايەل- انانى تەز وزگەرتىپ جىبەرە الادى.

كەيبىر تۋىسقا قالاي وزگەرسەڭ دە جاقپايسىڭ. تىرناق استىنان كىر ىزدەپ وتىراتىن تۋعاندارعا جاعىنىپ بولا المايسىڭ. ءبىرىنىڭ كوڭىلىن تاۋىپ جاتساڭ، ءبىرى رەنجيدى. بىرىنە جاعىنا قويايىن دەسەڭ، ەكىنشىسى جاقتىرماي شىعادى. ءتىلى جىلدام اعايىن-اق كەيدە ءاپ-ادەمى ايەلدىڭ كەيىپىن بۇزا الادى.

دەنساۋلىق - %15

«دەنى ساۋدىڭ - جانى ساۋ» دەيدى قازاق. ال دەنى مەن ءتانى ساۋ ەمەس ايەلدىڭ كوڭىلى قىز كەزىندەگىدەي بولۋشى ما ەدى؟ جانىنا باتقان اۋرۋمەن الىسىپ ءجۇرىپ-اق ءوزىنىڭ مىنەز- قۇلقىنىڭ وزگەرىپ، جۇيكەسى جۇقارا باستاعانىن سەزبەي قالادى. دەنساۋلىقتىڭ قادىرىن جانىنا باتقاندا ءتۇسىنىپ، اۋرۋحانا جاعالاپ جۇرگەن جاننىڭ كۇيىن باسىنان وتكەن عانا شىن تۇسىنەر. ادامنىڭ اۋرۋى ونىڭ مىنەزى مەن بولمىسىنا اسەر ەتپەي قويۋشى ما ەدى؟

وزگە دە سىرتقى فاكتورلار - %15

وزگە دە سىرتقى فاكتورلارعا جۇمىستاعى كەلەڭسىزدىكتەر، قوعامداعى بولىپ جاتقان وزگەرىستەر، شەكتەن تىس بايىپ كەتۋ نەمەسە كەرىسىنشە، كەدەيلىكتىڭ تاۋقىمەتىن تارتۋ جانە تاعى دا باسقا باس اۋىرتاتىن ماسەلەلەر جاتادى. ادامدى بايلىقتىڭ بۋى دا وزگەرتە الادى. اقشاسى كوبەيىپ، اياق-قولى اسىل تاستارعا تولعان ايەل ادامنىڭ دا شىن وزگەرە الاتىنى بارىمىزگە ايان.

 

 دەرەككوزى: الەۋمەتتى جەلىدەن