اقمولا وبلىسىندا ابىلاي حان زامانىنداعى قابىر تابىلدى

كوكشەتاۋ. قازاقپارات - اقمولا وبلىسىنىڭ زەرەندى اۋدانىندا ەگىس جۇمىستارى بارىسىندا ارابشا جازۋى بار گرانيتتەن قاشالعان ەكى تاقتا ءپىشىندى قابىر تاسى تابىلدى.

تاريحي جادىگەردى قازاقستان اۋىلىنا جاقىن ورنالاسقان ءۋالي حان مازارىنان سولتۇستىك- باتىسقا قاراي 10 شاقىرىم جەردە «ازيااگروحيم» ج ش س- نىڭ ديرەكتورى ب. ب. كوزلوۆ جىرتىلعان جەردەن تاپقان، دەپ حابارلايدى قازاقپارات ءتىلشىسى اقمولا وبلىسىنىڭ ىشكى ساياسات باسقارماسىنا سىلتەمە جاساپ.

21 -مامىردا اقمولا وبلىسى مادەنيەت باسقارماسىنىڭ «تاريحي- مادەني مۇرانى قورعاۋ جانە پايدالانۋ ورتالىعى» م ك م-نىڭ ينسپەكتورلارى، «زەرەندى اۋدانىنىڭ تىلدەردى دامىتۋ جانە مادەنيەت ءبولىمىنىڭ» جانە «اقكول اۋىلدىق وكرۋگى اكىمى اپپاراتى» م م-نىڭ ماماندارى مەن جەرگىلىكتى ولكەتانۋشىلاردان قۇرالعان توپ وسى جەردى زەرتتەدى. ەكى قابىردەن باسقا، سول جەردەن تاعى 30 شاقتى بەلگىسىز مۇسىلمان زيراتى انىقتالدى.

اتالمىش تاريحي ورىندى كاسىبي دەڭگەيدە انىقتاۋ ماقساتىندا قازاقستان رەسپۋبليكاسى ءبىلىم جانە عىلىم مينيسترلىگىنىڭ ر. ب. سۇلەيمەنوۆ اتىنداعى شىعىستانۋ ينستيتۋتىنان (الماتى ق. ) ارنايى مامان شاقىرىلدى.

ارابشا جازۋدى وقۋ بارىسىندا سۇيەكتەر جەرلەنگەن ۋاقىت XVIII عاسىردىڭ باسى - XIX عاسىردىڭ سوڭى دەگەن الدىن الا بولجام جاسالدى، تاستىڭ بىرەۋى - قاجىنىكى، ال ەكىنشىسى - ابىلاي حاننىڭ قاسىندا جۇرگەن نوكەرىنىكى دەپ بولجام ايتىلىپ وتىر.