شىعىس قازاقستان وبلىسىندا حالىقتىق سپورت ويىندارى مارەسىنە جەتتى

وسكەمەن. قازاقپارات - وسكەمەندە استانا قالاسىنىڭ 20 جىلدىعىنا ارنالعان 21- حالىقتىق سپورت ويىندارى ءوز مارەسىنە جەتتى، دەپ حابارلايدى قازاقپارات ءتىلشىسى.
None
None

جارىستىڭ اقىرعى كۇنى ۇلتتىق سپورت ۇلىقتالدى. قىز قۋار، تەڭگە ءىلۋ، اۋدارىسپاق، جورعا جارىس، قۇنان بايگە، الامان، كوكپار سايىسى بويىنشا ۇزدىكتەر انىقتالدى. جينالعان جۇرت نازارى 25 شاقىرىمدىق الامان جارىسى مەن كوكپار ويىنىنا ەرەكشە اۋدى.

null

كوكپاردان وسكەمەن قالاسىنىڭ كومانداسى ءبىرىنشى ورىننان كورىندى. ەكىنشى ورىنعا كوكپەكتى اۋدانى كوتەرىلسە، ۇزدىك ۇشتىكتى تارباعاتاي تۇيىندەدى. 25 شاقىرىمدىق الامان جارىستا وبلىس اكىمى دانيال احمەتوۆ تاعايىنداعان اۆتوكولىككە اياگوز اۋدانىنىڭ شاباندوزى ەلجان ەربول ۇلى يە بولدى. شاباندوزدىڭ باعىن اسىرعان سايگۇلىكتىڭ ەسىمى - «كوگەرشىن». ەكىنشى ورىنعا «ءالىمقاسقا» اتتى تۇلپاردى تىزگىندەگەن جارمالىق باعداۋلەت ەربولوۆ تابان تىرەسە، تارباعاتايلىق « قىزىلاسىق» دارحان ۇلاعاتتى ءۇشىنشى ورىننىڭ تۇعىرىنا شىعاردى.

«بۇل دودادا ۇزدىك ناتيجە كورسەتكەن قاتىسۋشىلاردان كوماندا جاساقتالىپ، ماڭعىستاۋدا وتەتىن رەسپۋبليكالىق باسەكەدە ايماق نامىسىن قورعاماق» - دەيدى وبلىستىق دەنە شىنىقتىرۋ جانە سپورت باسقارماسىنىڭ باسشىسى اسقار موجانوۆ.

null

باسەكە قورىتىندىسى بويىنشا، قالالار اراسىندا 375 ۇپايمەن وسكەمەن قالاسىنىڭ سپورتشىلارى توپ جاردى. ەكىنشى ورىننان 339 ۇپاي ەنشىلەگەن سەمەي قالاسى كورىنسە، ءۇشىنشى ورىنعا 159 ۇپايمەن ريددەر قالاسى شىقتى.

اۋداندار اراسىندا تارباعاتاي اۋدانى قۇراماسى 320 ۇپايمەن توپ باستادى. ەكىنشى ورىندى 257 ۇپايمەن ۇلان اۋدانىنىڭ كومانداسى يەلەنسە، 248,5 ۇپاي جيناعان اباي اۋدانى ۇزدىك ۇشتىكتە.

null

سايىس كەستەسى بويىنشا جالپى كوماندالىق ەسەپتە كوماندالار تومەندەگىدەي ورنالاستى:

قالالار اراسىندا جالپى كوماندالىق ناتيجە:

1 - ورىن - وسكەمەن (375 ۇپاي)

2 - ورىن - سەمەي (320 ۇپاي)

3- ورىن - ريددەر (159 ۇپاي)

4 - ورىن - زىريان (126 ۇپاي)

5 - ورىن - كۋرچاتوۆ (55 ۇپاي)

اۋداندار اراسىندا جالپى كوماندالىق ناتيجە:

1 - ورىن - تارباعاتاي اۋدانى (320 ۇپاي)

2 - ورىن - ۇلان اۋدانى (257 ۇپاي)

3- ورىن - اباي اۋدانى (248,5 ۇپاي)

4- ورىن - كۇرشىم اۋدانى (241 ۇپاي)

5 - ورىن - جارما اۋدانى (211ۇپاي)

6 - ورىن - زايسان اۋدانى (207 ۇپاي)

7 - ورىن - شەمونايحا اۋدانى (201 ۇپاي)

8 - ورىن - گلۋبوكوە اۋدانى (199 ۇپاي)

9 - ورىن - ءۇرجار اۋدانى (188 ۇپاي)

10 - ورىن - اياگوز اۋدانى (183 ۇپاي)

11 - ورىن - بورودۋليحا اۋدانى (136 ۇپاي)

12 - ورىن - كوكپەكتى اۋدانى (130 ۇپاي)

13 - ورىن - كاتونقاراعاي اۋدانى (116,5 ۇپاي)

14 - ورىن - بەسقاراعاي اۋدانى (109,5 ۇپاي) .

اۆتور: ەسىمجان ناقتىباي

سوڭعى جاڭالىقتار