استانادا تەڭگە ءىلۋ مەن اۋدارىسپاقتان ازيا چەمپيوناتتارى وتەدى
بۇل تۋرالى ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا ق ر مادەنيەت جانە سپورت ءمينيسترى ارىستانبەك مۇحامەدي ۇلى ءمالىم ەتتى، دەپ حابارلايدى قازاقپارات.
«وسىنداۋ ماڭىزدى داتا قارساڭىندا ءبىزدىڭ ۆەدومستۆو مادەني شارالارمەن بىرگە، سپورتتىق سايىستاردى دايارلاپ جاتىر. 31 - مامىردان 2 - ماۋسىم ارالىعىندا سىزدەردى «قازانات» يپپودرومىندا ۇلتتىق سپورت تۇرلەرى بويىنشا وتە تارتىمدى شارالار كۇتىپ تۇر. اتاپ ايتقاندا، تەڭگە ىلۋدەن ІІ ازيا جانە اۋدارىسپاقتان ІІІ ازيا چەمپيوناتتارى وتەدى» ، - دەدى مينيستر.
اتالعان سپورتتىق شارالارعا يۋنەسكو- نىڭ ءداستۇرلى سپورتتار مەن ويىندار كوميتەتى وكىلدەرىنىڭ قاتىسۋى جوسپارلانعان.
«تەڭگە ءىلۋ جارىسىنا 7 ەلدەن سپورتشىلار كەلەدى، ياعني ولاردىڭ اراسىندا تۇركيا، رەسەي، وزبەكستان، قىرعىزستان، تاجىكستان، اۋعانستان مەن موڭعوليا بار. ال اۋدارىسپاق سايىسىنا 9 مەملەكەتتىك سپورتشىلارى ەلىمىزگە ساپارلايدى. شەتەل تاراپىنان وسىنداي چەمپيوناتتارعا قىزىعۋشىلىق جوعارى» ، - ا. مۇحامەدي ۇلى.
ونىڭ اتاپ وتۋىنشە، تەڭگە ىلۋدەن ІІازيا جانە اۋدارىسپاقتان ІІІ ازيا چەمپيوناتتارىنىڭ جالپى جۇلدە قورى - 000 000 14 تەڭگە.
ەستەرىڭىزگە سالا كەتەيىك، اۋدارىسپاقتان I ازيا چەمپيوناتى 2014 -جىلى استانادا، II ازيا چەمپيوناتى 2016 -جىلى قىتايدا وتكەن بولاتىن. ال تەڭگە ىلۋدەن I ازيا چەمپيوناتى استانادا 2015 -جىلى ۇيىمداستىرىلدى.