استانادا «بايتەرەك» مونۋمەنتى جابىلادى

استانا. قازاقپارات - 21-28- مامىر ارالىعىندا «بايتەرەك» مونۋمەنتى جوسپارلى رەستاۆراتسيالىق جۇمىستاردىڭ جۇرگىزىلۋىنە بايلانىستى كەلۋشىلەر ءۇشىن جابىق بولادى، دەپ حابارلادى مادەنيەت جانە سپورت باسقارماسىنان.

«ەلىمىزدىڭ باستى ەسكەرتكىشتەرىنىڭ بىرىندە كونسترۋكتسيانىڭ شىنى بولىگىن جۋۋ، مەتالل تىرەكتەردى سىرلاۋ، كەيبىر ءمارمار ەلەمەنتتەردى اۋىستىرۋ جانە اۋا رايىنىڭ قولايسىزدىعىنىڭ سالدارىنان تۋىنداعان كەيبىر كەمشىلىكتەردى تۇزەتۋ سىندى جۇمىستار جۇرگىزىلەدى»، - دەلىنگەن حابارلامادا.

«بايتەرەك» مونۋمەنتى 29- مامىردا كەلۋشىلەر ءۇشىن ەسىگىن قايتا اشادى. ەسكەرتكىش ءۇزىلىسسىز ساعات 10:00 دەن 22:00 گە دەيىن جۇمىس ىستەيدى. كىرۋ قۇنى 15 جاسقا دەيىنگى بالالار ءۇشىن - 300 تەڭگە، ەرەسەكتەر ءۇشىن - 700 تەڭگە.