بۇگىن قاسيەتتى رامازان ايى باستالدى

استانا. قازاقپارات - بۇگىن يسلام الەمى ءۇشىن قاسيەتتى، بەرەكەگە تولى، ون ەكى ايدىڭ سۇلتانى سانالاتىن رامازان ايى باستالدى.
None
None

ورازا 17 -مامىردان 14 -ماۋسىمعا دەيىن جالعاسادى، دەپ حابارلايدى قازاقپارات ءتىلشىسى.

ورازا تۇتۋ - يگى مۇسىلمان قاۋىمىنىڭ بەس پارىزىنىڭ ءبىرى. جالپى «ورازا» ءسوزىنىڭ ماعىناسى - ءبىر نارسەدەن الىستاۋ، بەلگىلى ءبىر ۋاقىت ارالىعىندا ءىشىپ- جەۋدەن، ءناپسى قالاۋلارىنان تىيىلۋ دەگەندى بىلدىرەدى.

ورازاعا نيەت: «اللا تاعالانىڭ رازىلىعى ءۇشىن تاڭنان كۇن باتقانعا دەيىن مۇباراك رامازان ايىنىڭ ورازاسىن ۇستاۋعا نيەت ەتتىم» .

اۋىزاشار دۇعاسى: «جاراتقان يەم! سەنىڭ رازىلىعىڭ ءۇشىن ورازا ۇستادىم، ساعان يمان كەلتىردىم، ساعان تاۋەكەل ەتتىم، سەن بەرگەن ريزىق- نەسىبەڭمەن اۋىز اشتىم. ۋا، كەشىرىمدى اللا! مەنىڭ الدىڭعى جانە سوڭعى كۇنا- كەمشىلىكتەرىمدى كەشىرە گور!»

جاماعات نازارىنا قازاقستان مۇسىلماندارى ءدىني باسقارماسىنىڭ مالىمەتتەرى نەگىزىندە ورازا ايىندا ءمان بەرەر مالىمەتتەردى ۇسىنامىز:

- پىتىر- ساداقانى رامازان ايىنىڭ باسىنان ايت نامازىنا دەيىن بەرۋگە بولادى. ەلىمىز بويىنشا ءار ادامعا 300 تەڭگە.

- ءپىتىر- ساداقادان تۇسكەن قاراجات ەسەبىنەن مۇگەدەكتەر مەن قارتتارعا، جەسىر ايەلدەر مەن جەتىمدەرگە، الەۋمەتتىك تۇرمىسى تومەن وتباسىلارعا قايىرىمدىلىق كومەك كورسەتىلەدى.

- قاسيەتتى «قادىر ءتۇنى» ماۋسىمنىڭ 11 ىنەن 12 سىنە قاراعان ءتۇنى بولادى. قادىر تۇنىندە مەشىتتەردە تاڭعا دەيىن رۋحاني باعدارلامالار ۇيىمداستىرىلادى. ۋاعىز ايتىلىپ، قۇران كارىم وقىلادى، جاماعاتپەن دۇعا جاسالادى.

- 15 -ماۋسىم (جۇما) كۇنى ورازا ايت مەيرامى باستالادى. ورازا ايت كۇندەرى ءداستۇرلى تۇردە مەشىت اۋلالارىنا قازاق ۇيلەر تىگىلىپ، جاماعات اراسىندا ۇلتتىق سپورت تۇرلەرىنەن (اسىق اتۋ، ارقان تارتۋ، قول كۇرەسى، گىر تاسىن كوتەرۋ، ت. ب. ) جارىستار ۇيىمداستىرىلادى دەپ كۇتىلۋدە.

- جۇكتى، ومىراۋدا بالاسى بار نەمەسە حايىز، نيفاس كەزىندەگى ايەلدەرگە، جولاۋشىلارعا، ناۋقاس جاندارعا ورازا ۇستاۋ - پارىز ەمەس.

- ساپاردا جۇرگەندەرگە ورازا ۇستاماۋعا بولادى. ءبىراق باسقا كۇندەردە سانىن تولتىرىپ، اۋىز بەكىتەدى. ەگەر ساپار قيىندىق تۋعىزباسا، ابزالى - اۋىز بەكىتۋ.

ايتا كەتەيىك، رامازان ايىنىڭ قارساڭىندا باس ءمۇفتي سەرىكباي قاجى وراز كاسىپكەرلەردى رامازاننىڭ قۇرمەتى ءۇشىن ازىق- تۇلىك، جول- كولىك اقىسىنا جەڭىلدىكتەر جاساۋعا شاقىردى.

«رامازان - جاقسىلىق ايى. ورازادا جاسالعان ءاربىر جاقسى امالدىڭ ساۋابى ەسەلەنىپ جازىلادى. حاديس- شاريفتە ايتىلعانداي، «ادام بالاسىنىڭ بارلىق يگى ىستەرىنىڭ ساۋابى ارتادى. ءاربىر جاقسىلىققا ون ەسەدەن جەتى ءجۇز ەسەگە دەيىن ساۋاپ جازىلادى».

وسى رەتتە وتانداستارىمدى ماتەريالدىق كومەككە مۇقتاج جاندارعا كوڭىل ءبولىپ، قايىرىمدىلىق ءىس- شارالارعا بەلسەندى تۇردە اتسالىسۋعا شاقىرامىن. كاسىپكەرلەردى رامازاننىڭ قۇرمەتى ءۇشىن ازىق- تۇلىك، كوكونىس پەن تۇرمىستىق زاتتارعا، جول- كولىك اقىسىنا جەڭىلدىكتەر جاساۋعا ۇندەيمىز»، - دەپ اتاپ ءوتتى باس ءمۇفتي.

رامازان ايىنداعى ورازا ۇستاۋدىڭ وڭىرلەر بويىنشا كەستەسى.

  

سوڭعى جاڭالىقتار