الداعى جىلدارى تالاپكەر، قوياندى، جىبەك جولى سياقتى اۋىلدارعا گاز تارتىلادى

كوكشەتاۋ. قازاقپارات - اقمولا وبلىسىنىڭ ارشالى جانە سەلينوگراد اۋداندارىنداعى ەلدى مەكەندەرگە گاز تارتۋ جوسپارى جاسالدى،  دەپ حابارلايدى قازاقپارات ءتىلشىسى وبلىستىق ىشكى ساياسات باسقارماسىنا سىلتەمە جاساپ.
None
None

جوسپار بويىنشا ءبىرىنشى كەزەكتە «ارشالى» ا گ ت س جانە ا گ ت س-1 ستانسالارىنان باستاپ « قىزىلوردا- قاراعاندى- استانا» ماگيسترالدى گاز قۇبىرىنىڭ قۇرىلىسىن جۇرگىزۋ كوزدەلگەن. وسىلايشا، 2019 -جىلى «استانا» ا گ ت س-2 ارقىلى ارشالى جانە سەلينوگراد اۋداندارىنا گاز تارتۋدى باستاۋعا بولادى.

«سارى ارقا» ماگيسترالدى گاز قۇبىرىنا دەيىن گاز تارتۋ جەلىنىڭ قۇرىلىسىن جۇرگىزۋ ءۇشىن وڭىردە جول كارتاسى جاسالدى. مامىر ايىندا اقمولا وبلىسىنىڭ بيۋدجەتىنەن 100 ميلليون تەڭگە قارجى ءبولىنىپ، گاز تارتۋ جەلىسىنىڭ جوسپارى جاسالدى جانە « قىزىلوردا- قاراعاندى- استانا» ماگيسترالدى گاز قۇبىرىنا جاقىن ەلدى مەكەندەردە جوبالىق- سمەتالىق قۇجاتتارى ازىرلەندى.

وسى رەتتە ارشالى اۋدانىنداعى انار، دونەتسكي، تۇرگەن، ءبىرسۋات، بايدالا، ارشالى، اقبۇلاق، اقتاستا، يجيەۆسكي، شوپتىكول، باباتاي، ارناساي، ۆولگودونوۆكا، 42 رازەزد، قويگەلدى، جالتىركول، جىبەك جولى سياقتى 17 اۋىلعا گاز تارتۋ ءۇشىن 56,1 ميلليون تەڭگە قارجى بولىنسە، سەلينوگراد اۋدانىنداعى تالاپكەر، قوياندى جانە شۇبار اۋىلدارى ءۇشىن بولىنگەن 43,9 ميلليون تەڭگە قارجى يگەرىلۋى ءتيىس.

وعان قوسا، سەلينوگراد جانە ارشالى اۋداندارىنداعى بارلىعى 151 مىڭ حالقى بار 44 ەلدى مەكەنگە گاز جەتكىزۋ جوسپاردا بار. گاز تارتۋ بويىنشا قۇرىلىس جۇمىستارىنىڭ ەكىنشى كەزەڭى 2022 -جىلى «استانا- كوكشەتاۋ» ۋچاسكەسىندە جۇزەگە اسىرۋ قاراستىرىلعان.

اسلان وسپانوۆ

سوڭعى جاڭالىقتار