ەر ادام ءۇشىنشى قاباتتان قۇلاعان ايەلدى شاشىنان ۇستاپ قالسادا، قولىنان شىعىپ كەتتى

ايەلدى قۇتقارماق بولعان ازاماتتىڭ بۇل قىلىعىنا بولماشى نارسە سەبەپ بولعان. ول مايلى تاعام جەگەندىكتەن، قولى مايدا بولىپ، ايەلدى ۇستاپ تۇرۋعا مۇمكىندىك بولماعان.
بۇل تۋرالى The Daily Mail باسىلىمىنا سىلتەمە جاساپ Stan.kz اقپاراتتىق اگەنتتىگى حابارلايدى.
شەتەلدىك باسىلىمنىڭ حابارلاۋىنشا، قۇلاپ كەتكەن ايەل ءۇي قىزمەتكەرى بولعان. ول قۇلاعان كەزىندە ءۇشىنشى قابات تەرەزەسىن تازالاماقشى بولعان ەكەن. ەكىنشى قاباتتا تۇرعان ەر ادام ءۇي قىزمەتشىسىنىڭ شاشىنان ۇستاپ ۇلگەرگەن.
«مەن ونى ۇستاي المايمىن» دەپ ايقاي سالعان ازامات اقىرىندا ايەلدى جىبەرە سالعان. بۇدان كەيىن ۆيدەودان ايەلدىڭ قانسىراپ جەردە جاتقانىن كورۋگە بولادى.
كۋاگەرلەر تاسپاعا ءتۇسىرىپ ۇلگەرگەن كادر جەلىدە تەز تاراپ كەتكەن.
«بۇل ايەل ءۇشىنشى، ال ەر ادام ەكىنشى قاباتتا بولدى. تومەنگى قاباتتاعى ازامات ايەلدىڭ «سالبىراپ» تۇرعانىن كورگەن كەزدە اس ءىشىپ وتىرعان. ءبارىن تاستاپ، ونى قۇتقارۋعا تىرىسقانىمەن، بۇل ونىڭ قولىنان كەلمەدى»، - دەيدى كۋاگەر.