ەلوردادا يەسىز يتتەرگە ارنالعان «مەنى ۇيىڭە الىپ كەت» اتتى فوتوكورمە ءوتىپ جاتىر

استانا. قازاقپارات - ەلورداداعى ەڭسەلى ويىن-ساۋدا ورتالىقتاردىڭ ءبىرى MEGA Silk Way-دە يەسىز يتتەرگە ارنالعان «مەنى ۇيىڭە الىپ كەت» اتتى فوتوكورمە اشىلدى، دەپ حابارلايدى قازاقپارات ءتىلشىسى.
None
None

كورمەنىڭ ماقساتى - ادامدارعا يتتەردى اسىراۋ قاۋىپتى ەمەس ەكەنىن ءتۇسىندىرۋ، ويتكەنى ولاردىڭ ءارقايسىسى زارداپ شەككەن، ۆاكسيناسيالانعان.

«بۇل ءىس-شارانىڭ باستى ماقساتى - ءاربىر ءيتتىڭ يەسىن تابۋى بولىپ وتىر. كورمەنىڭ بارىسىندا ماعان كۇن سايىن حابارلاسىپ، ءيت نەمەسە مىسىقتى اسىراپ العىسى كەلەتىن ادامداردىڭ قوڭىراۋلار شالىپ جاتقانىن ايتقىم كەلەدى. وكىنىشكە قاراي، ادامداردىڭ تولىعىمەن جاۋاپكەرشىلىكتى سەزىنە بەرمەيدى. ويتكەنى، ءسىز يتىڭىزبەن ءسال ويناپ، كوشەگە قايتا قاڭعىتىپ جىبەرەتىن ادامعا بەرەمەۋىڭىز كەرەك»، - دەدى «استاناۆەسەرۆيس» ك م ك ديرەكتورى دانيار ابدۋلوۆ.

 null

ول ءوز سوزىندە بارلىق ءۇي جانۋارلارى ورنالاستىرىلعان ءتالىمباق بارىن اتاپ ءوتتى.

«كۇن سايىن بىزگە كەم دەگەندە 10 ءيت جەتكىزىلەدى. دەمەك، ءتالىمباقتىڭ دا سانى كۇن ساناپ ارتىپ كەلە جاتىر دەگەن ءسوز. الايدا ولاردى اسىراپ الۋ جاعى اسا قارقىندى ەمەس»، - دەيدى دانيار ابدۋلوۆ.

سونىمەن بىرگە، ول جاڭا ءتالىمباقتىڭ قۇرىلىسى ءۇشىن قالادان 4 گەگتار اۋماق بولىنگەنىن تىلگە تيەك ەتتى. جوسپار بويىنشا كەلەسى جىلى جاڭا ءتالىمباق اشىلىپ قالۋى كەرەك. ول مامانداندىرىلعان ح ق و جاقتا ورنالاساتىن بولادى.

«اۋلاۋعا stop»  ەرىكتىلەر قوزعالىسى ديرەكتورىنىڭ ورىنباسارى يننا پانچەنكو وسى رەتتە كورمە ۇيىمداستىرۋ جۇمىسى بۇرىننان جوسپارلانىپ جۇرگەنىن ايتتى.

«كوشەدەگى يتتەردەن ۇرەيلەنۋدىڭ ەشقانداي قاجەتى جوقتىعىن ادامدار ءتۇسىنۋى كەرەك. سايىپ كەلگەندە يتتەردىڭ وزدەرى ادامداردان ارتىق جاسقانشاق كەلەدى. ەگەر يتكە كومەكتەسە الماساڭىز - جوق دەگەندە قورلاۋعا جول بەرمەۋگە تىرىسىڭىز. تاماق بەرىڭىز نەمەسە جانىنان ءوتىپ كەتىڭىز. كەز كەلگەن ادام ءبىزدىڭ ءتالىمباققا كەلىپ يتتەردى الىپ كەتە الادى»، - دەدى يننا پانچەنكو.

 null

ونىڭ ايتۋىنشا، جىل باسىنان بەرى 6 ءيتتى ادامدار اسىراۋعا الىپ كەتكەن.

«كىسىلەردىڭ كوبى «اۋلاۋعا stop»  ۋاقىتشا ۇستاۋ يزولياتورى تۋرالى بىلمەگەندىكتەن، بىرلەسە وتىرىپ جۇمىس جۇرگىزدىك. ەگەر بىزگە كەلىپ ءيتتى تەگىن الىپ كەتۋگە مۇمكىندىك بولىپ تۇرسا، ونى باسقا جەردەن ساتىپ الۋدىڭ قانشالىقتى قاجەتى بار. ءبىراق، الەۋەتتى يەلەرىنە كەلگەندە ءبىزدىڭ ءوزىمىزدىڭ تالاپتارىمىز بار. ءبىز ەڭ الدىمەن ءيتتىڭ تۇراتىن ورىنى بولۋى كەرەكتىگىن ەسكەرتەمىز. ماسەلەن، بىزگە 70 جاستاعى ءبىر قارت كەلىپ، ءيتتىڭ ءبىرىن الىپ بەرۋگە مىندەتتى ەكەنىمىزدى ايتتى. جوق، ءبىز بەرۋگە مىندەتتى ەمەسپىز. بۇل يتتەر ونسىز دا ءبىر كەزدەرى كوشەدە قالدىرىلعان. ولارعا ءبىز بالالار سەكىلدى قارايمىز. ولار دا ءتىرى جان، ولار دا تىرشىلىك ەتكىسى كەلەدى»، - دەيدى يننا پانچەنكو.

كورمەگە قاتىستى فوتوگراف رۋسلان حاسانوۆ تا ءوز ويىمەن ءبولىستى. ونىڭ ايتۋىنشا، كوپتەگەن ادامدار يتكە جەتكىلىكتى دارەجەدە قارامايدى. كۇشىك كەزىندە ساتىپ الادى دا، ءوسىپ كەتكەننەن كەيىن كوشەگە قويا بەرە سالادى.

 null null null null 

«وسى كورمەگە دايىندىق بارىسىندا يتتەردىڭ ءبىرى دە ماعان وعاش مىنەز تانىتقان ەمەس. «اۋلاۋعا stop»  ۋاقىتشا ۇستاۋ يزولياتورىندا ولارعا بارلىق جاعداي جاسالعان. وسى كورمە ارقىلى ءبىز كەز كەلگەن ادامعا ءيتتى نەمەسە مىسىقتى اسىراپ العان كەزدە جاۋاپكەرشىلىكتى سەزىنۋ كەرەكتىگىن ەسكەرتكىمىز كەلەدى. كوپتەگەن ادامداردىڭ ءيتتىڭ يەسىنە ادال دوس ەكەنىن ەستەن شىعارىپ بارا جاتقان سەكىلدى. مەنىڭ ءتىپتى يتتەردىڭ جىلاعان كەزدەرىن كورىپ، كوڭىلىم بوساپ كەتتى»، - دەيدى رۋسلان حاسانوۆ.

 null null


null null  

سوڭعى جاڭالىقتار