07:53, 16 - مامىر 2018 | GMT +5
شىمكەنتتە قىتاي ازاماتى قاماۋعا الىندى
شىمكەنت. قازاقپارات - شىمكەنتتىڭ ەڭبەكشى قازاق اۋداندىق سوتى ادام ءولتىردى دەگەن كۇدىكپەن قىتاي ازاماتىن 2 اي مەرزىمگە قاماۋعا الۋعا شەشىم شىعاردى، دەپ حابارلايدى قازاقپارات ءتىلشىسى.

«سوتقا ماتەريال كەلىپ ءتۇستى، تەرگەپ- تەكسەرۋ ءجۇرىپ جاتىر. ءىس ماتەريالدارىنا قاراعاندا، ولار ءوزارا كەلىسپەي قالعان بولۋى مۇمكىن»، - دەيدى ەڭبەكشى قازاق اۋداندىق سوتىنىڭ ۇيلەستىرۋشى سۋدياسى قايرات ءىزباساروۆ.
قايعىلى وقيعا 11 -مامىر كۇنى شىمكەنتتەگى جەكەمەنشىك كومپانيالاردىڭ ءبىرىنىڭ اسحاناسىندا بولعان. ق ح ر- نىڭ 29 جاستاعى ازاماتى جانجال كەزىندە 34 جاستاعى ءوز وتانداسىنا پىشاق سالىپ، جاراقات سالدارىنان جابىرلەنۋشى قازا تاپقان. پوليتسيا «ادام ءولتىرۋ» بابىمەن قىلمىستىق ءىس قوزعادى.