جۇرەگى باتىستان، ءوزى وڭتۇستىكتەن: قازاقستاندىق كەلىنشەككە ەر ادامنىڭ جۇرەگى اۋىستىرىلىپ سالىنعان

 استانا. قازاقپارات - ەلىمىزدىڭ وڭتۇستىك ايماعىندا تۇراتىن گۇلميراعا ەر ادامنىڭ جۇرەگى اۋىستىرىلىپ سالىنعان. ايەل، مىنەكي ءۇش جىلدان بەرى بەيتانىس ازاماتتىڭ جۇرەگىمەن ءومىر ءسۇرىپ كەلەدى. الايدا گۇلميرا وزىنە ەكىنشى رەت ءومىر سىيلاعان جاننىڭ كىم ەكەنىن بىلمەيدى.
None
None

بۇل تۋرالى 7- ارنانىڭ «ءوز ويىم» باعدارلاماسىندا ايتىلدى، دەپ حابارلايدى Stan.kz اقپاراتتىق اگەنتتىگى.

گۇلميراعا جۇرەك اۋىستىرۋ وپەراتسياسى 2015 -جىلى استانا قالاسىنداعى ۇلتتىق عىلىمي كارديو- حيرۋرگيا ورتالىعىندا جاسالعان. كەلىنشەك ءوزىن قۇتقارعان دونوردىڭ اقتوبەدەن ەكەنىن عانا بىلەدى. ازاماتتىڭ اتى- ءجونى مەن وزگە مالىمەتتەر گۇلميراعا بەيمالىم.

«جۇرەكتى ءتورت جىل كۇتتىك. اتا- انام دا، بارلىق جاقىن تۋىستارىم قاشان وپەراتسيا، قاشان دونور بولادى دەپ سۇرايدى. ولار مەنىڭ ءومىر سۇرگەنىمدى قالايدى عوي، ءبىراق مەن ولاي ايتۋعا قورقاتىنمىن. سەبەبى ماعان جۇرەك تابىلۋ ءۇشىن ءبىر ادام ومىردەن قايتۋ كەرەك ەدى»، - دەيدى گۇلميرا.

ءومىر مەن ءولىم اراسىندا كۇرەسكەن گۇلميرا بۇل دۇنيەنىڭ قادىرىن جاقسى تۇسىنەدى.

«جۇرەك قويىلدى، بۇل دەگەن قايتا ومىرگە كەلۋ. جاڭا جۇرەك ۇزاق ءومىر ءسۇرۋ ءۇشىن ادام ءوز- وزىمەن جۇمىس ىستەۋ كەرەك. دۇرىس تاماقتانۋ كەرەك. ءبىر ءولىپ- تىرىلگەننەن كەيىن، ادام جاقسى ءومىر سۇرۋگە تىرىسادى. وزگەرگەنىم سوندىقتان شىعار. سپورتپەن اينالىسىپ ءجۇرمىن اقىرىنداپ.

قانشا وزىمدىكى دەپ قابىلداعانىممەن، بۇل جۇرەك بىرەۋدىكى. مەن ءومىر بويى ءدارى ىشەمىن. ءوز اعزامنىڭ يممۋنيتەتىن تومەندەتىپ وتىرامىن. اقتوبەلىك جۇرەك مەنىڭ اعزامدا كۇشتى بولىپ تۇرۋى ءۇشىن»، - دەيدى گۇلميرا.

ءبىر قىزىعى، وڭتۇستىكتە تۋعان كەلىنشەك ءوزىن قۇتقارعان ازاماتتىڭ كىم ەكەنىن بىلمەيدى. ەسەسىنە وعان ماڭگى باقي قارىزدار ەكەنىن تۇسىنەدى.

«ەڭ ۇلكەن العىسىم ارينە، اقتوبەلىك بەلگىسىز جاننىڭ تۋىستارىنا. ولار قايعىلى جاعدايعا قاراماي، مەنىڭ ءارى قاراي ءومىر ءسۇرىپ كەتۋىمە سەبەپشى بولعان. مەن قانداي دا ءبىر جەتىستىككە جەتسەم، سولاردىڭ ارقاسى. مەندە قازىر ۇلكەن جاۋاپكەرشىلىك - ولار ماعان جايدان- جاي كومەكتەسپەگەندەرىن ءبىلۋ كەرەك، مەنەن باسقا دا كۇتىپ جۇرگەن ادامدار بار. مەن سول ادامدارعا ءۇمىت سىيلاسام، سول ءۇمىت ۇزىلمەۋ كەرەك»، - دەيدى جۇرەگى اۋىستىرىلعان گۇلميرا.

سوڭعى جاڭالىقتار