كيىك اۋلاعان شەكارا قىزمەتىنىڭ كاپيتانى ۇستالدى

بۇل تۋرالى ق ر ا ش م ورمان شارۋاشىلىعى جانە جانۋارلار دۇنيەسى كوميتەتىنىڭ باسپا ءسوز حاتشىسى ساكەن دىلداحمەت فەيسبۋكتەگى پاراقشاسىندا جازدى.
«2018 -جىلعى 14 - مامىر كۇنى ساعات 17:00 شاماسىندا «وحوتزووپروم» ءو ب» ر م ق ك باتىس ايماقتىق فيليالىنىڭ ينسپەكتورلارى رەيد جۇرگىزۋ كەزىندە باتىس قازاقستان وبلىسى جانىبەك اۋدانىنىڭ قامىستى اۋىلىنان 15 شاقىرىم جەردە (رف شەكاراسىنا جاقىن) مەملەكەتتىك ءنومىرسىز جانە قۇجاتسىز جۇرگەن «چ س- موتو» كۆادراتسيكلىندەگى ادامدى ۇستاعان. تەكسەرۋ كەزىندە شەكارا قىزمەتىنىڭ كاپيتانى، شەكارالىق ۋچاسكە قىزمەتشىسى، كۆادروتسيكل جۇرگىزۋشىسىنەن كيىكتىڭ 12 دانا ءمۇيىزى، قارۋدىڭ چەحولى، بالتا، قارۋمەن اتىلعان ەركەك كيىكتىڭ مۇيىزىمەن بىرگە ەتى تابىلدى» ، - دەپ جازدى ول.
وقيعا ورنىنا جانىبەك اۋدانىنىڭ ءى ءى ب جەدەل- تەرگەۋ توبىنىڭ قىزمەتكەرلەرى شاقىرتىلدى. اتالعان فاكتى ق ر قىلمىستىق كودەكسىنىڭ 339-بابى بويىنشا تىركەۋگە الىندى. قازىرگى ۋاقىتتا پوليتسيا قىزمەتكەرلەرى كيىكتى زاڭسىز اۋلاۋ دەرەگى بويىنشا زاتتاي دالەلدەردى ىزدەستىرىلۋدە.
Baq.kz