پاۆلوداردا جەردىڭ استىنان ىستىق سۋ اتقىلادى

 استانا. قازاقپارات - پاۆلودار قالاسىنداعى كوشەلەردىڭ بىرىندە جەردىڭ استىنان استىق سۋ اتقىلادى.

ىستىق سۋبۇرقاقتىڭ پايدا بولۋىنا روسسيسكايا- سۋۆوروۆا كوشەلەرىنىڭ قيىلىسىنداعى قۇبىردىڭ جارىلۋى سەبەپ بولعان. وقيعا ورنىنان تۇسىرىلگەن بەينەجازبا الەۋمەتتىك جەلىلەرگە تاراپ، قىزۋ تالقىلانىپ جاتىر. وقىس جاعدايدىڭ تۋىنداۋى پاۆلودار قالاسىنداعى جەلىلەردەگى گيدراۆليكالىق سىناقتاردىڭ جۇرگىزىلۋ سالدارى بولىپ شىقتى.

«پاۆلودارەنەرگو» اق قوعاممەن بايلانىس جونىندەگى ماماننىڭ باسشىسى ولەسيا ەمەليانوۆانىڭ ايتۋىنشا، اتقىلاعان سۋدىڭ تەمپەراتۋراسى +40 گرادۋستى قۇرايدى.

«بۇگىنگى تاڭدا پاۆلودار قالاسىنىڭ وڭتۇستىك بولىگىندەگى جىلۋ جەلىلەرىندە گيدراۆليكالىق سىناقتار وتكىزىلىپ جاتىر. قازىرگى ۋاقىتتا اتقىلاعان سۋ توقتاتىلدى. ماماندار ءتيىستى جۇمىستاردى قولعا الدى. كەيىن جىلۋ تراسساسىن جوندەۋگە كىرىسەدى» ، - دەيدى ولەسيا ەمەليانوۆا.

پاۆلودار قالالىق تۇرعىن ءۇي- كوممۋنالدىق شارۋاشىلىعى ءبولىمىنىڭ مالىمەتىنشە، ۇستىمىزدەگى جىلعى مامىردىڭ 14-18 ارالىعىندا 670 تۇرعىن ءۇي ىستىق سۋدان اجىراتىلعان.

ەسكە سالا كەتسەك، قازىرگى تاڭدا سىناقتارمەن قاتار وبلىس ورتالىعىنداعى اۋلاىشىلىك اۋماقتار اباتتاندىرىلۋدا. مەردىگەر كومپانيانىڭ وكىلى سەرگەي شاگاروۆتىڭ ايتۋىنشا، باس- اياعى 180 اۋلا قالىپقا كەلتىرىلەدى.

Baq.kz