قازاقستاندا سۇرانىسقا يە كولىكتەردىڭ ءتىزىمى انىقتالدى

استانا. قازاقپارات - 2018-جىلدىڭ ءتورت ايىندا قازاقستاندا ساتىلعان كولىكتەردىڭ 46 پايىزدان استامى وتاندىق اۆتوزاۋىتتارعا تيەسىلى.
None
None

بۇل تۋرالى «قازاۆتو ونەركاسىپ» اۆتوكولىك سالاسىنداعى كاسىپورىندار وداعى ءمالىم ەتتى، دەپ حابارلايدى قازاقپارات.

«2018-جىلدىڭ قاڭتار- ساۋىرىندە رەسمي ديلەرلەر 15627 اۆتوموبيل وتكىزىپ، بۇل كورسەتكىش بىلتىرعا قاراعاندا 41,8 پايىزعا ارتىق بولدى. ەسەپتى كەزەڭدە قازاقستاندىقتار جەڭىل كولىكتەردى ساتىپ الۋعا 374,2 ميلليون ا ق ش دوللارى سوماسىندا قارجى جۇمسادى»، - دەلىنگەن تاراتىلعان مالىمەتتە.

اتالعان كەزەڭدە وتكىزىلگەن 8311 اۆتوكولىك (%53,2) يمپورتقا، ال 7316-سى (%46,8) ەلىمىزدەگى اۆتوزاۋىتتاردىڭ ونىمدەرىنە تيەسىلى.

اتاپ ايتقاندا، 4 ايدىڭ قورىتىندىسى بويىنشا قازاقستاندا سۇرانىسقا يە برەندتەردىڭ العاشقى بەستىگىنىڭ كوشىن Lada 3670 كولى باستاپ تۇر. ساتىلعان كولىك سانى بويىنشا ەكىنشى ورىندا Toyota  2958 تۇراقتاسا، ءۇشىنشى ورىنعا Hyundai  1767 شىقتى. سونىمەن قاتار بۇل بەستىككە Ravon 1601  مەن KIA 829  برەندتەرى دە ەندى.

«جەڭىل كولىكتەر رەيتينگىندە Lada 4×4 (1073) ،Lada Granta (980 جانە Toyota Camry 961 كوش باستاپ تۇر. سونداي-اق بۇل توپ-5 مودەلدەر قاتارىنا Ravon Nexia 921 مەن Hyundai Tucson  602  كىردى»، - دەپ اتاپ وتىلگەن «قازاۆتو ونەركاسىپ» مالىمەتىندە.

سوڭعى جاڭالىقتار