قىتايدىڭ كورلا قالاسى - شىڭجاڭنىڭ باستى كولىكتىك تورابى

قازىرگى ۋاقىتتا ب م ا و اۋماعى بويىنشا قىتايدىڭ ەڭ ۇلكەن اكىمشىلىك اۋدانى بولىپ سانالادى. ونىڭ قۇرامىنا 46 ەتنيكالىق توپ، اتاپ ايتقاندا موڭعولدار، حاندىقتار، قازاقتار جانە وزگە دە ۇلتتار تۇرىپ جاتقان سەگىز وكرۋگ ەنەدى.
ايماقتىڭ استاناسى - كورلا قالاسى. قىتايدا ونى «المۇرتتار قالاسى» دەپ تە اتايدى. وسى تۇرعىلىقتى ەلدى مەكەننەن المۇرتتار شەتەلگە، ونىڭ ىشىندە قازاقستانعا دا تاسىمالدانادى.
گەوگرافيالىق ورنالاسۋىنىڭ ارقاسىندا جەرگىلىكتى بيلىك قالانى شىڭجاڭنىڭ باستى كولىكتىك تورابىنا اينالدىرىپ، ونى «جىبەك جولىنىڭ» ەكونوميكالىق بەلدەۋىنە ينتەگراتسيالاۋدى كوزدەپ وتىر.
ايماق مۇناي، حيميا جانە وڭدەۋ ونەركاسىبى سالاسىنىڭ ارقاسىندا ايتارلىقتاي ءوسىپ كەلەدى. كوپتەگەن كاسىپورىندار مۇندا سىرتقى نارىققا شىعۋدى، سونىمەن بىرگە ورتالىق ازيا ايماعىنداعى بىرلەسكەن جوبالارعا قاراجات قۇيۋدى كوزدەيدى.
وسى قاتارلى كومپانيالاردىڭ ءبىرى - «Jinsheng». اتالمىش كومپانيا قازاقستانعا ينۆەستيتسيا سالۋ نارىعىنا زەرتتەۋ جۇرگىزۋ ماقساتىندا استانادا مامىر ايىندا كەڭسە اشپاق.
كومپانيا كەڭەسى ءتوراعاسىنىڭ كەڭەسشىسى حونگتۋ ۆانگتىڭ ايتۋىنشا، قازاقستاندىق نارىقتى زەرتتەۋ جۇمىسى جىلدىڭ سوڭىنا دەيىن اياقتالىپ قالۋى كەرەك. وسىدان كەيىن قازاقستاننىڭ حيميا سالاسىنا قانشالىقتى قارجىلىق ينۆەستيتسيا قۇيۋ كەرەكتىگى ايقىندالادى.
اۆتور: ايان بەكەن ۇلى