باعالى جۇكتەر كونتەينەرلەرىنە التى مىڭنان استام ەلەكتروندى قۇلىپ ورناتىلدى

استانا. قازاقپارات - جىل باسىنان بەرى التى مىڭنان استام «Watchlock» ەلەكتروندى قۇلىپتارى باعالى جۇكتەر تيەلەتىن كونتەينەرلەرگە ورناتىلدى، دەپ حابارلايدى «قازاقستان تەمىر جولى» ۇ ك» ا ق باسپا ءسوز قىزمەتى.
None
None

«ەلەكتروندى قۇلىپ باعالى جۇكتەردى الىپ جۇرەتىن باعداردىڭ ءون بويىندا ناقتى ۋاقىت رەجىمىندە باقىلاۋعا مۇمكىندىك اپەرەدى»، - دەيدى «ق ت ج» ۇ ك» ا ق فيليالى - «اۆتوماتتاندىرۋ جانە سيفرلاندىرۋ ديرەكسياسىنىڭ» ديرەكتورى س. تولەبايەۆ.

ونىڭ ايتۋىنشا، GPS قۇرىلعىنى قولدانۋ ارقىلى قۇلىپتىڭ اشىلعان، اشىلماعانى، باعداردى باقىلاۋ، جىلدامدىعى، جۇك زاڭسىز ەنۋ ماقساتىنداعى ءىس ارەكەتتەر ناقتى مەزگىلدە قاداعالانادى.

«جۇكتىڭ قالىپتى جاعدايى تۋرالى اقپارات اۆتوماتتى تۇردە «اسكەريلەندىرىلگەن كۇزەت قىزمەتى» ا ق ديسپەتچەرلىك قىزمەتىنە حابارلانادى. ول ارقىلى فيليالدىڭ كۇزەت قىزمەتى تاۋلىك بويى تاۋارلارعا مانيتورينگىلىك باقىلاۋ جۇرگىزىپ، فيليالدىڭ جۇمىسىن ۇيلەستىرىپ وتىرادى»، - دەيدى س. تولەبايەۆ.

«اسكەريلەندىرىلگەن كۇزەت قىزمەتى» ا ق اسكەريلەندىرىلگەن كۇزەت قىزمەتى دەپارتامەنتىنىڭ ديرەكتورى ت. بەكەشەۆتىڭ ايتۋىنشا، «ەلەكتروندى بەلگى بەرۋ بايلانىس قىزمەتى ۇرلانۋى مۇمكىن باعالى جۇكتەردى ءداستۇرلى كۇزەت قىزمەتىمەن بىرگە قوسىمشا جۇرگىزىلەدى».

ەلەكتروندى قۇلىپتار قازاقستان اۋماعىنداعى ىشكى باعدارلارعا تاسىمالداۋعا ءتيىستى كونتەينەرلەرگە عانا ەمەس، قىتايدان ەۋروپاعا، ازياعا، رەسەيگە باعىتتالعان ترانزيتتىك كونتەينەرلىك پويىزدارعا دا قولدانىلادى.

 مامىردىڭ باسىندا «رەسەي تەمىر جولدارى» ا ا ق مەن «قازاقستان تەمىر جولى» ۇ ك» ا ق اسكەريلەندىرىلگەن كۇزەت قىزمەتتەرىنىڭ وكىلدەرى وتكىزگەن بەينەكونفەرەنسيادا كومپانيانىڭ مەردىگەرلىك جانە قىزمەت كورسەتۋ كومپانيالارى بىرلەسكەن GPS قۇرىلعىلى ەلەكتروندى قۇلىپتى ترانزيتتىك جۇكتەرگە ەل اۋماعىمەن قاتار كورشىلەس مەملەكەتتەردىڭ اۋماعىندا ورناتۋ مەن باقىلاۋ جاساۋ جايىنىڭ تيىمدىلىگىنە ارنالدى.

سوڭعى جاڭالىقتار