قازاقستان عالىمدارى ادامنىڭ بەت- الپەتىن تانيتىن جۇيەنى جاساپ جاتىر

«وتكەن جىلى ءبىز وسى جوبا بويىنشا جۇمىستاردى باستاپ، بۇل باعدارلاما بويىنشا ۇلتتىق عىلىمي كەڭەستەن وتتىك. وكىنىشكە قاراي، ق ر ءبىلىم جانە عىلىم مينيسترلىگى جانىنداعى جوعارى عىلىمي- تەحنيكالىق كوميسسيادا ءبىزدىڭ ازىرلەمەلەر قارجىلاندىرۋعا وتپەي قالدى. سوندىقتان دا ءبىزدىڭ زاڭنامانىڭ قابىلدانۋىن كۇتىپ وتىرمىز. ويتكەنى بۇل قۇپيالىعى بار ازىرلەمە بولعاندىقتان، ولاردى شەتەلدىك ساراپشىلاردىڭ تالقىلاۋىنا بەرە المايمىز»، - دەدى ۆەدومستۆو باسشىسى ماجىلىستەگى ۇكىمەت ساعاتىندا.
ءمينيستردىڭ اتاپ وتۋىنشە، الداعى جىلدان باستاپ بۇل جوبانى قارجىلاندىرۋ باستالۋى مۇمكىن.
«جۇمىستار العا جىلجىپ جاتىر، الايدا قارجىلاندىرۋ ماسەلەلەرىنە بايلانىستى ءبىرشاما تەجەلىپ قالدى»، - دەپ قوستى ۆەدومستۆو باسشىسى.
سونىمەن قاتار، ول جوبانى ىسكە قوسۋ ءۇشىن قاجەتتى قارجى كولەمىن جاريالاۋدان باس تارتتى.
«مەن بۇل مالىمەتتى ايتا المايمىن، سەبەبى بۇل جوبا جاپپاي جاريالاۋعا جاتپايدى. اتاپ ايتقاندا، بەت- الپەتتى تانۋدىڭ وتاندىق ازىرلەمەسى. «اقىلدى قالا» سەكىلدى جۇيەگە پايدالانۋعا بولادى»، - دەدى بەيبىت اتامقۇلوۆ.