مەملەكەت ۇزدىك ءۇش بيزنەس- ينكۋباتورعا قولداۋ كورسەتەدى

 استانا. قازاقپارات - تابىستى ءۇش بيزنەس- ينكۋباتور مەملەكەت تاراپىنان قولداۋعا يە بولادى.
None
None

بۇل تۋرالى و ك ق- دا وتكەن باسپا ءسوز ءماسليحاتىندا «تەحنولوگيالىق دامۋ بويىنشا ۇلتتىق اگەنتتىگى» ا ق باسقارما ءتوراعاسى مارات وماروۆ ءمالىم ەتتى، دەپ حابارلايدى قازاقپارات ءتىلشىسى.

«تەحنولوگيالىق دامۋ بويىنشا ۇلتتىق اگەنتتىك ق ر ۇلتتىق ەكونوميكا مينيسترلىگىمەن بىرگە قارجىلىق جانە مەتودولوگيالىق كومەك ارقىلى تابىستى بيزنەس- ينكۋباتورلارعا قولداۋ كورسەتەدى. بيزنەس- ينكۋباتورلار جۇيەسىن دامىتۋ باعدارلاماسى بويىنشا تەڭ قارجىلاندىرۋ بيزنەستى دامىتۋ جانە قولداۋدىڭ «بيزنەستىڭ جول كارتاسى - 2020» ءبىرىڭعاي باعدارلاماسى اياسىندا جۇزەگە اسىرىلادى» ، - دەيدى سپيكەر.

مارات وماروۆتىڭ تۇسىندىرۋىنشە، باعدارلامانىڭ ماقساتى - بيزنەس- ينكۋباتورلاردىڭ قۇزىرەتتىلىگىن ارتتىرىپ، ءىرى تەحنولوگيالىق كومپانيالاردى ءوسىرىپ شىعارۋعا سەپ بولاتىن ساپالى ستارتاپتاردىڭ وسىمىنە جاعداي جاساۋ بولىپ تابىلادى.

مارات وماروۆ كەلتىرگەن مالىمەتكە سۇيەنسەك، بيزنەس- ينكۋباتورلار باعدارلامانىڭ شارتتارى بويىنشا ەڭبەكاقى قورى، اكىمشىلىك عيماراتتاردى جالعا الۋ، كوممۋنالدىق قىزمەتتەرگە، سونىمەن بىرگە بايلانىس قىزمەتتەرىنە (ينتەرنەت، تەلەفون، پوشتا) ، يندۋستريالىق- يننوۆاتسيالىق جوبالاردى تاڭداپ الۋ جانە ىلگەرىلەتۋدى قامتاماسىز ەتۋ ءۇشىن تارتىلعان ءۇشىنشى تۇلعاعا، وقىتۋ- ۇيرەتۋ شارالارىن ۇيىمداستىرۋعا، بيزنەس- قۇزىرەتىن ارتتىرۋ ماقساتىندا بيزنەس- ينكۋباتورلار مەن ونىڭ رەزيدەنتتەرى ءۇشىن تاعىلىمدامادان ءوتۋ جانە سوعان قاتىستى (جول جۇرۋگە جانە كومانديروۆكاعا كەتكەن) جۇمسالعان شىعىندارىنىڭ 50 پايىزى قارجىلاندىرىلادى، الايدا بۇل سوما 35 ميلليون تەڭگەدەن اسپاۋى كەرەك.

مارات وماروۆ ءوز سوزىندە سونىمەن بىرگە بيزنەس- ينكۋباتورلارعا قويىلاتىن تالاپتار تۋرالى ايتىپ بەردى.

«ولاردا 250 شارشى مەتردەن كەم بولمايتىن بيزنەس- ينكۋباتورلاردىڭ رەزيدەنتتەرىن ورنالاستىرۋعا بولاتىن اكىمشىلىك عيمارات، جوعارى ءبىلىمى بار كەم دەگەندە 5 بىلىكتى كادر، مەملەكەتتىڭ قولداۋىنسىز كەم دەگەندە التى اي جۇمىس جۇرگىزە الاتىن قارجىلىق احۋالى، ق ر ج و و- لارىمەن سەرىكتەستىك قارىم- قاتىناستارى بولۋى كەرەك» ، - دەپ ءتۇسىندىردى سپيكەر.

ونىڭ ايتۋىنا قاراعاندا، بيزنەس- ينكۋباتورلاردى تاڭداۋ ارنايى كوميسسيانىڭ كونكۋرستىق نەگىزىندە ىرىكتەۋىمەن جۇرگىزىلەدى. ول كوميسسيانىڭ قۇرامىنا وسىعان قاتىستى مەملەكەتتىك ورگاندار مەن ۇيىمداردىڭ وكىلدەرى، تاۋەلسىز ۇيىمداردىڭ سىرتقى ساراپشىلارى ەنەدى. كوميسسيا تۇلەكتەردىڭ سانىن جانە جوبانىڭ ساتتىلىگىن ەسەپكە الا وتىرىپ، شەشىم شىعارادى.

«سونىمەن قاتار، جاڭا ءارى ساپالى ءونىم جاساپ شىعارۋ ءۇشىن يندۋستريالىق- يننوۆاتسيالىق جوبالار بويىنشا بيزنەس- ينكۋباتورلاردىڭ رەزيدەنتتەرىنە باعدارلاما نەگىزىندە مەملەكەتتىك گرانتتاردى ءبولۋ قاراستىرىلعان (ءوتىنىش بەرىلگەن نەگىزدى شىعىندار بويىنشا 50 ميلليون تەڭگەگە دەيىن) » ، - دەپ حابارلادى سپيكەر.

 مارات وماروۆ بيزنەس- ينكۋباتورلاۋ اياسىندا گرانتتاردى ءبولۋ دە قاراستىرىلىپ وتىرعانىن اتاپ ءوتتى.

«بيزنەس- ينكۋباتورلاۋ اياسىندا بيزنەستى دامىتۋ ءۇشىن مەملەكەتتىك گرانتتاردى ءبولۋدى 2019 -جىلدان باستاۋ جوسپارلانىپ وتىر. ءاربىر ايماقتا گرانتتاردىڭ سانى رەسپۋبليكالىق بيۋدجەتكە بايلانىستى بولادى. اتالعان گرانتقا تەك باعدارلاما اياسىندا كونكۋرستىق ىرىكتەۋدەن وتكەن بيزنەس- ينكۋباتورلاردىڭ رەزيدەنتتەرى عانا ءوتىنىم بەرە الادى» ، - دەدى ول.

سوڭعى جاڭالىقتار