وڭتۇستىك جانە سولتۇستىك كورەيا وسى اپتادا جوعارى دەڭگەيدە كەلىسسوزدەر جۇرگىزەدى

سەۋل. قازاقپارات - وسى اپتادا وڭتۇستىك جانە سولتۇستىك كورەيا اراسىندا وتەتىن جوعارى دەڭگەيلى كەلىسسوزدەردە ەكى ەل باسشىلارىنىڭ 27- ساۋىردەگى تاريحي سامميتىندە قول جەتكىزگەن كەلىسىمدەرىن ىسكە اسىرۋ تالقىلانادى، دەپ حابارلايدى رەنحاپ اگەنتتىگى وڭتۇستىك كورەيا بىرىگۋ مينيسترلىگىنە سىلتەمە جاساپ.
None
None

بۇعان دەيىن مينيسترلىك اپتا باسىندا كەزدەسۋ وتكىزۋ تۋرالى ۇسىنىس جاسالعانىن، ءبىراق پحەنياننان ءالى جاۋاپ كەلمەگەنى تۋرالى مالىمدەگەن.

«ەكى ەل اراسىنداعى كەڭەستەر ءالى جالعاسىپ جاتىر. كەزدەسۋ وسى اپتانىڭ ىشىندە وتەدى دەپ كۇتىپ وتىرمىز»، - دەيدى مينيسترلىكتىڭ رەسمي وكىلى پەك دە حەن.

كەزدەسۋدە باستى نازار وڭتۇستىك كورەيا پرەزيدەنتى مۋن چجە ين مەن سولتۇستىك كورەيا باسشىسى كيم چەن ىن 27- ءساۋىر كۇنى پحانمۋندجومدا قول قويعان تاريحي دەكلاراتسيانىڭ ورىندالۋىنا باعىتتالعان ناقتى قادامداردى تالقىلاۋعا اۋدارىلادى.

پرەزيدەنتتەر قول قويعان بىرلەسكەن دەكلاراتسيا ەكى تاراپتىڭ ءبىر-بىرىنە باعىتتالعان بارشا قاستىق ارەكەتتەردى توقتاتۋدى كوزدەيدى. قۇجاتقا سايكەس، سولتۇستىك كورەيانىڭ كەسون قالاسىندا ەكىجاقتى بايلانىس جونىندەگى كەڭسە اشىلادى. تاراپتار ەكونوميكالىق ىنتىماقتاستىقتى قايتا جانداندىرۋ مۇمكىندىكتەرىن قاراۋعا ۋادە ەتكەن.

ولار، سونداي-اق 15- تامىزدا ازات ەتۋ كۇنىنە وراي 1950-53-جىلدارداعى كورەيا سوعىسى كەزىندە اجىراپ كەتكەن وتباسىلاردى كەزدەستىرۋگە كەلىستى.

سوڭعى جاڭالىقتار