قانات يسلام: شارشى الاڭعا قاشان شىعاتىنىم وسى اپتادا بەلگىلى بولادى

استانا. قازاقپارات - ءبىرىنشى ورتا سالماقتاعى قازاقستاندىق كاسىپقوي بوكسشى قانات يسلام قازاقپارات تىلشىسىنە الداعى ۋاقىتقا جوسپارلانعان جەكپە-جەگى تۋرالى ايتتى.
None
None

«وزدەرىڭىز بىلەسىزدەر، وسىدان ءبىراز كۇن بۇرىن تانىمال مەنەدجەر ەگيس كليماسپەن كەلىسىمگە كەلىپ، ا ق ش- تاعى جاتتىعۋدى باستاعان بولاتىنمىن. قازىر ا ق ش- تا الداعى ايقاسىما دايىندىعىمدى پىسىقتاپ جاتىرمىن. اللا قالاسا وسى اپتادا ناقتىلى كىممەن جانە قاشان شارشى الاڭعا شىعاتىنىم بەلگىلى بولادى. نەگىزى، جەكپە-جەكتى تامىز ايىندا وتكىزۋ جوسپارلانعان ەدى. ودان بەرى دە بولىپ قالۋى مۇمكىن. قاندايدا ءبىر وزگەرىستەر بولسا، سىزدەرگە الدىن الا حابارلايتىن بولامىن»، - دەدى قانات يسلام.

ايتا كەتەيىك، كەيبىر بۇقارالىق اقپارات قۇرالدارى وتانداسىمىز الداعى تامىز ايىندا جاپون بوكسشىسى يوشيحيرو كامەگايمەن (27-4-2, 24 ك و) كەزدەسۋى مۇمكىندىگىن جازۋدا. يوشيحيرو كامەگاي كاسىپقوي بوكستا 33 جەكپە-جەك وتكىزگەن: 27 رەت جەڭىسكە جەتكەن، ونىڭ ىشىندە 24 قارسىلاسىن نوكاۋتپەن ۇتقان. ءتورت رەت جەڭىلىپ، 2 رەت قارسىلاسىمەن تەڭ تۇسكەن.

ەستەرىڭىزگە سالا كەتەيىك، قانات يسلام وسىعان دەيىن 25 جەكپە-جەك وتكىزىپ، بارلىعىندا جەڭىسكە جەتكەن. ونىڭ 20 سىن نوكاۋتپەن ۇتقان بولاتىن. ول سوڭعى كەزدەسۋىن 2017-جىلدىڭ 9- قىركۇيەگىندە استانا قالاسىندا وتكىزىپ، كانادالىق برەندون كۋكتى (18-1، 11 كو ) توعىزىنشى راۋندتا تەحنيكالىق نوكاۋتپەن جەڭگەن ەدى. وسىلايشا وتانداسىمىز WBO NABO جانە WBA Inter- Continental چەمپيوندىق بەلبەۋلەرىن ساقتاپ قالعان.

اۆتور: كۇنسۇلتان وتارباي

سوڭعى جاڭالىقتار