اتىراۋدا مارافوننىڭ ابسوليۋتتى چەمپيونىنا سايگۇلىك سىيلادى

اتىراۋ، قازاقپارات - 24 جاسار بازارباي داۋتاليەۆ اتىراۋداعى ەكىنشى ءداستۇرلى مارافوننىڭ ابسوليۋتتى چەمپيونى اتاندى جانە ۇيىمداستىرۋشىلار القاسىنىڭ ارنايى سىيى - بايگە اتىن يەمدەندى.
None
None

Atyrau Marathon جارىسىندا قازاقستاننىڭ ءارتۇرلى قالالارىنان جانە جاقىن شەت ەلدەردەن بارلىعى 3 مىڭعا جۋىق ادام قاتىستى. 150 دەن اسا ادام 42 شاقىرىمدى باعىندىرا الدى، 10 شاقىرىمدىق جۇگىرۋدە 1000 نان استامى ەرىكتى تىركەۋدەن ءوتتى، ەڭ تانىمال قاشىقتىق 4,5 شاقىرىمدى 1500 عا جۋىق اتىراۋ قالاسىنىڭ تۇرعىندارى مەن قالا قوناقتارى جۇگىرىپ ءوتتى.

مارافوننىڭ ابسوليۋتتى چەمپيونى بازارباي داۋتاليەۆ 150 مىڭ تەڭگە كولەمىندە قارجىلاي سىيعا، تەلەديدار جانە اتىراۋ وبلىستىق ۇلتتىق سپورت تۇرلەرى فەدەراتسياسىنىڭ ارنايى سىيى - جۇيرىك جىلقىعا يە بولدى

null 

Atyrau Marathon ۇيىمداستىرۋ القاسى اتاپ وتكەندەي، ارنايى سىي كەزدەيسوق تاڭدالعان جوق. بۇرىن جىلقى مالى قازاقتاردىڭ تۇرمىستىق ومىرىندە جانۋارلار اراسىندا ەرەكشە ورىن العان. سونىمەن قاتار، ۇيىمداستىرۋشىلاردىڭ ايتۋىنشا، جۇلدە چەمپيوننىڭ سيمۆولى مەن ەرىك- جىگەرىن بىلدىرەدى.

 null

قازاقستاندىق جەڭىل اتلەت، سپرينتتان بىرنەشە دۇركىن ك س ر و چەمپيونى جانە رەكوردشىسى امەن تۇياقوۆ، ۇزدىك مارافونشى، ازيانىڭ، افريكانىڭ، اۆستراليانىڭ جانە امەريكانىڭ ەڭ ءىرى شولدەرىن جۇگىرىپ وتكەن ادامزات تاريحىنداعى العاش اتلەت مارات جىلانبايەۆ، سونداي-اق ازيانىڭ بىرنەشە دۇركىن چەمپيونى، ازيا چەمپيوناتىنىڭ كۇمىس جۇلدەگەرى، ازيانىڭ قولا جۇلدەگەرى، الەم چەمپيوناتىنىڭ قاتىسۋشىسى الەكساندر رومانوۆ Atyrau Marathon - 2018 باسەكەسىنىڭ قۇرمەتتى قوناعى بولدى.

 null

جەڭىسكە دەگەن جىگەرى ءۇشىن ەكى پاراوليمپياداشىعا: ەرلان كازيەۆ جانە كەنگەس كونيەۆكە ارنايى سىيلىق تاپسىرىلدى. جارىستىڭ ەڭ ەگدە قاتىسۋشىسى 71 جاستاعى زەينەتكەر بەكەت قادىرالين بولدى.

 nullnullnull

سوڭعى جاڭالىقتار