ترامپ يادرولىق پوليگوندى جويۋعا ۋادە ەتكەن پحەنيانعا العىس ايتتى

استانا. قازاقپارات - ا ق ش پرەزيدەنتى دونالد ترامپ سولتۇستىك كورەياعا يادرولىق پوليگونىن جويۋعا بەرگەن ۋادەسى ءۇشىن العىس ءبىلدىردى.
None
None

«سولتۇستىك كورەيا وسى ايدا، ماۋسىمنىڭ 12 ىندە وتەتىن جوعارى دەڭگەيدەگى كەزدەسۋ قارساڭىندا يادرولىق پوليگونىن بۇزاتىنىن جاريالادى. راحمەت، وتە جەتەلى جانە يگى ءىس»، - دەپ جازدى ترامپ Twitter جەلىسىندەگى پاراعىنا.

مۇنىڭ الدىندا سولتۇستىك كورەيانىڭ مەملەكەتتىك اقپارات اگەنتتىگى پحەنياننىڭ الداعى ەكى اپتادا يادرولىق سىناق پوليگونىن جويۋعا نيەتتى ەكەنى تۋرالى حابارلاعان.

«يادرولىق پوليگوندى بۇزۋ ءراسىمى كۇن رايىنا قاراي، مامىردىڭ 23-25- ارالىعىنا جوسپارلانىپ وتىر»، - دەلىنگەن اگەنتتىك ءۇزىندى كەلتىرگەن سولتۇستىك كورەيا سىرتقى ىستەر مينيسترلىگىنىڭ مالىمدەمەسىندە.

مەملەكەتتىك اگەنتتىكتىڭ حابارلاۋىنشا، جوسپار بويىنشا، پوليگونداعى توننەلدەر جويۋ، كىرەتىن ەسىكتەردى بىتەۋ، باقىلاۋ نىساندارى مەن قاۋىپسىزدىك بەكەتتەرىن جانە زەرتتەۋ عيماراتتارىن بۇزۋ قاراستىرىلعان.

جۇما كۇنى ا ق ش مەملەكەتتىك حاتشىسى مايك پومپەو ەگەر سولتۇستىك كورەيا يادرولىق قارۋدان باس تارتاتىن بولسا، وندا ۆاشينگتوننىڭ بۇل ەلگە ەكونوميكالىق كومەك بەرەتىنى تۋرالى مالىمدەگەن.

بۇعان دەيىن ا ق ش پرەزيدەنتى دونالد ترامپ سولتۇستىك كورەيا ليدەرى كيم چەن ىنمەن ماۋسىمنىڭ 12 ءى كۇنى سينگاپۋردە كەزدەسەتىنى تۋرالى حابارلاعان. وسى كەزگە دەيىن ا ق ش پەن سولتۇستىك كورەيا جەتەكشىلەرى ەشقاشان ءبىر-بىرىمەن كەزدەسكەن ەمەس.

«ازاتتىق»

سوڭعى جاڭالىقتار