پاۆلوداردا اۋىل تۇرعىنى اداسىپ قالعان بۇلاندى قۇتقاردى

پاۆلودار. قازاقپارات - پاۆلودار وبلىسىنىڭ باياناۋىل اۋدانىندا اداسىپ قالعان بۇلاندى اۋىل تۇرعىنى قۇتقارىپ قالدى، دەپ حابارلايدى قازاقپارات.
None
None

«تاڭەرتەڭ ەرتە كۇندەلىكتى ادەت بويىنشا ورىستەگى مالدى قاراپ شىعۋعا باردىم. ءبىر سيىر بولەك تۇرعان سەكىلدى كورىندى. تابىنعا قوسايىن دەپ جاقىنىراق بارسام ۇرعاشى بۇلان ەكەن. ول وتە جۇدەپ كەتكەن، قاشقاقتاپ تۇردى»، - دەيدى باياناۋلى اۋدانى تورايعىر اۋىلىنىڭ تۇرعىنى قۋانىش جاميەۆ.

قۋانىشتىڭ ايتۋىنشا، ول بۇلاندى ورىستەن تاپقان. ونى سيىرعا قوسىپ شارۋا قوجالىعىندا قالدىرىپ، بىردەن ورمانشىلىققا تەلەفون شالىپ وقيعانى حابارلايدى.

«ءبىز حاباردى تاڭەرتەڭ ساعات توعىزدا الدىق تا دەرەۋ شارۋا قوجالىعىنا اتتاندىق. بۇل بۇلاننىڭ انالىعى. جاسى شامامەن ەكى نەمەسە ەكى جارىمدا. بىلاي قاراعاندا ەش جاراقاتى جوق»، - دەيدى باياناۋىل مەملەكەتتىك ۇلتتىق پاركى جاسىباي بولىمشەسىنىڭ جەتەكشىسى قۋانبەك ءمادين.

قۋانبەكتىڭ ايتۋىنشا، بۇلان ءبىر ورىندا تۇراقتاماي اۋىپ كەتە بەرەتىن، الايدا جالعىز-جارىم جۇرمەيتىن جانۋار. سوندىقتان بۇلانعا بىردەڭە بولعان. ورمان قورعاۋشىلارىنىڭ بولجامىنشا ول بىرەۋلەردەن قاشقان، شاماسى اڭشىلار بولۋى مۇمكىن.

بۇلاندى ورمانعا قايتارۋ ءۇشىن باياناۋىل پاركىنىڭ قىزمەتكەرلەرى قۇتقارۋ وپەراتسياسىنا كىرىستى. ءۇش موتوسيكل، نيۆا كولىگىمەن جانۋاردى ورمانعا شەيىن ايداپ اكەلدى. ولارعا قۋانىش جاميەۆ پەن ونىڭ ۇلى ەلامان جاردەم بەردى.

«ەگەر بۇلان دالالى جەردە قالسا، مىناداي جۇدەۋ-جاداۋ كۇيىندە ءولىپ قالۋى مۇمكىن ەدى»، - دەيدى قۋانبەك ءمادين.



اۆتور: انتون گاگارين

 

سوڭعى جاڭالىقتار