ءمۇفتيات رامازان ۋاقىتىنىڭ وزگەرۋىنە بايلانىستى ورازانىڭ جاڭا كەستەسىن ۇسىندى

استانا. قازاقپارات - قازاقستان مۇسىلماندارى ءدىني باسقارماسى رامازان ۋاقىتىنىڭ وزگەرۋىنە بايلانىستى 2018 -جىلعى قازاقستان ەلدى مەكەندەرىنىڭ رامازان ايىنداعى ورازا جانە ناماز كەستەسىنىڭ جاڭا نۇسقاسىن بەكىتتى، دەپ حابارلايدى قازاقپارات ءتىلشىسى.

ماۋسىمنىڭ 10-نان 11-نە قاراعان ءتۇن - قاسيەتتى قادىر ءتۇنى. ورازا ايت 15- ماۋسىمدا، ال قۇربان ايت 21 - تامىزدا باستالادى.

ق م د ب ءتورالقا ءماجىلىسى مۇشەلەرىنىڭ ءبىراۋىزدى شەشىمىمەن بيىلعى ءپىتىر ساداقا مولشەرى 300 تەڭگە بولىپ بەكىتىلدى.

ءپىتىر ساداقانى رامازان ايىنىڭ ءبىرىنشى كۇنىنەن ورازا ايت نامازىنا دەيىن بەرۋگە بولادى.

وسى ورايدا «قازاقپارات» ح ا ا ەلىمىزدەگى مۇسىلمان جاماعاتىنىڭ نازارىنا قازاقستاننىڭ بارلىق وبلىستارىنا ارنالعان رامازان ايىنداعى ورازا جانە ناماز ۋاقىتتارىنىڭ كەستەسىن ۇسىنادى.

ايتا كەتەيىك، كەشە قازاقستان مۇسىلماندارى ءدىني باسقارماسىنىڭ ءتوراعاسى سەرىكباي قاجى وراز رامازان ايىنىڭ قاي كۇنى باستالاتىندىعىن رەسمي جاريا ەتكەن بولاتىن.