رەسەيلىك عارىشكەر استانانىڭ عارىشتان تۇسىرلگەن سۋرەتىن جاريالادى

 استانا. قازاقپارات - حالىقارالىق عارىش ستانتسياسىندا جۇرگەن رەسەيلىك عارىشكەر انتون شكاپلەروۆ استانانىڭ عارىشتان تۇسىرىلگەن سۋرەتىن جاريالادى.
None
None

عارىشكەر ءوزىنىڭ ينستاگرام جەلىسىندەگى پاراقشاسىندا جاريالاعان سۋرەتكە بىلاي دەپ جازدى.

«الەۋمەتتىك جەلىدە جازىلعان قازاقستاندىقتاردىڭ كوبى استانانى عارىشتان ءتۇسىرۋدى سۇرايتىن. مىنە، سول قازاقستاننىڭ مارجانى - كەرەمەت #استانا!»، - دەدى ول.

ول ءوزى تۇسىرگەن سۋرەتتە ەسىل وزەنى مەن قالا كوشەلەرىنىڭ، شاھار ماڭىنداعى كولشىكتەردىڭ دە انىق كورىنىپ تۇرعانىن جازدى.

«بۇل سۋرەتتە ولار مۇز قۇرساۋىنان ەندى عانا بۋسانىپ جاتىر، ويتكەنى سۋرەت بىرنەشە اپتا بۇرىن تۇسىرىلگەن. قازىر استاناعا كوكتەم تولىق كەلگەنىنە سەنىمدىمىن، سولاي ەمەس پە؟ » - دەپ جازىپتى شكاپلەروۆ.

انتون شكاپلەروۆ - رەسەيلىك عارىشكەر. رەسەي اۋە كۇشتەرىندە ۇشقىش بولعان. ول ءوزىنىڭ Instagram جەلىسىندەگى پاراقشاسىندا ح ع س- تە تۇسىرىلگەن سۋرەتتەردى جاريالاپ تۇرادى.

Baq.kz

سوڭعى جاڭالىقتار