قازاقستاندا مەكتەپ باعدارلاماسى جەڭىلدەيدى

استانا. قازاقپارات - ق ر ءبىلىم جانە عىلىم مينيسترلىگى مەكتەپتەردە تيپتىك وقۋ جوسپارلارىن جەڭىلدەتۋ باعىتىندا جۇمىستارعا كىرىستى، دەپ حابارلايدى قازاقپارات ءتىلشىسى.
None
None

 «ساراپشىلاردىڭ كوپشىلىگى ءبىزدىڭ بالالاردىڭ مەكتەپتەگى جۇكتەمەسىنە اۋىر ەكەنىن راستاپ وتىر. بۇل ماسەلەگە مەملەكەت باسشىسى نازار اۋدارعان ەدى. ت م د جانە ە ى د ۇ ەلدەرىمەن سالىستىرساق، ءبىزدىڭ تيپتىك وقۋ جوسپارلارىمىزدىڭ ارتىق جۇكتەمەسى بار. قازىرگى كەزدە مينيسترلىك ءتيىستى جۇمىستى ىسكە اسىرىپ جاتىر، وسى ورايدا جۇمىس توبى قۇرىلدى. بۇل باعىتتا ساراپشىلارمەن، ادىسكەرلەرمەن جانە پەداگوگتىق قوعامداستىقپەن كونسۋلتاتسيالار ءجۇرىپ جاتىر»، - دەدى ءبىلىم جانە عىلىم ۆيتسە- ءمينيسترى اسحات ايماعامبەتوۆ ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.

بۇل تۇرعىدا ول مەكتەپ باعدارلامالارىن جەڭىلدەتۋ اۋقىمدى تالداۋ جۇمىستارىن قاجەت ەتىپ وتىرعانىن ءسوز ەتتى.

«وقۋ باعدارلاماسىن جاي عانا قىسقارتا سالۋ قيسىنسىز ارەكەت. بۇل رەتتە ءبىلىم سالاسى الدىندا تۇرعان ماقساتتاردى ەسكەرۋ كەرەك، سونىمەن قاتار قوعام ءۇشىن قاجەت مەكتەپ تۇلەگىنە قويىلاتىن تالاپتار پىسىقتالۋى ءتيىس. سوندىقتان وسى وزەكتى ماسەلەلەردى ەسكەرە وتىرىپ، شەشىم قابىلداۋ قاجەت. سايكەسىنشە، بۇل باعىتتا بىلىكتى ساراپشىلار ءوز باعاسىن بەرۋى ورىندى بولار ەدى»، - دەپ ءتۇيدى ول.

 بۇدان بۇرىن حابارلانعانداي، بيىل اقپان ايىندا ماجىلىستە ورتا ءبىلىم ماسەلەلەرىنە ارنالعان وتىرىستا بەكبولات تىلەۋحان بالاسى تەڭەرتەڭنەن كەشكە دەيىن مەكتەپتە ەكەنىن ايتىپ، نارازىلىعىن بىلدىرگەن ەدى.

اۆتور: رۋسلان عابباسوۆ

سوڭعى جاڭالىقتار