اقمولا وبلىسىندا «قۇماي» ەتنوپاركى اشىلادى

 استانا. قازاقپارات - اقمولا وبلىسىندا الداعى ۋاقىتتا «قۇماي» ەتنوپاركى اشىلماق، دەپ حابارلايدى قازاقپارات ءتىلشىسى.
None
None

«تۇرىك قاعاناتىنىڭ تاريحىن زەرتتەۋ نىساناسىنا اينالدىرعان ل. گۋميليەۆ اتىنداعى ە ۇ ۋ-مەن بىرگە جۇرگىزىلىپ جاتقان ارحەولوگيالىق قازبا جۇمىستارىنىڭ قورىتىندىسى بويىنشا ەرەيمەنتاۋ اۋدانىندا اشىق اسپان استىندا «قۇماي» ەتنوپاركىن قۇرۋ تۋرالى جوبا قولعا الىندى.

سونىمەن قاتار، قورعالجىن اۋدانىنداعى «بەسپاقىر» جانە» باتىعاي» اتتى كيەلى جەرلەرىندەگى نىسانداردى رەستاۆراتسيالاۋ كوزدەلگەن» ، - دەيدى مالىك مىرزالين بۇگىن و ك ق- دا وتكەن باسپا ءسوز ءماسليحاتىندا.

ءوڭىر اكىمى سونىمەن قاتار، «قازاقستاننىڭ كيەلى جەرلەرى» رەسپۋبليكالىق كارتاسىنا اقمولا وبلىسىنىڭ 10 نىسانى - قۇماي ارحەولوگيالىق- ەتنوگرافيالىق كەشەنى، ابىلاي حاننىڭ الاڭى، كەنەسارىنىڭ ۇڭگىرى، باتىعاي كەسەنەسى، وقجەتپەس تاۋى، قابانباي باتىر مەن بەسپاقىر، باۋبەك باتىر مازارلارى ەنگەن. سونىمەن بىرگە، «كيەلى قازاقستان» ەنتسيكلوپەدياسىنىڭ العاشقى تومى جارىققا شىعارىلىپ، ونىڭ ىشىنە اقمولا وبلىسىنىڭ 200 كيەلى ءوڭىرى ەنگىزىلگەن.

مالىك مىرزالين سونداي- اق وبلىس اۋماعىندا جۇزەگە اسىرىلىپ جاتقان تاعى ءبىر جوبا تۋرالى ايتىپ بەردى. اكىمنىڭ سوزىنە سەنسەك، «ەسكەرتكىشتەر سىر شەرتەدى» جوباسى زاماناۋي تەحنولوگيالاردىڭ - QR كودتاردىڭ كومەگىمەن قاسيەتتى نىساندار تۋرالى اقپارات الۋعا بولادى. QR كودتارى بار تاقتاشالار ايماقتىڭ باي تاريحي- مادەني مۇراسىمەن تانىسۋعا جول اشادى.

سوڭعى جاڭالىقتار